Yavatmal : यवतमाळ जिल्हा बँकेच्या सत्तेसाठी आज महासंग्राम; २३ जागांसाठी ५८ उमेदवार रिंगणात
Yavatmal : उद्या मतमोजणी होणार
Yavatmal : यवतमाळ जिल्हा मध्यवर्ती सहकारी बँकेच्या सत्तेसाठी आज मतदानाचा महासंग्राम रंगत आहे. जिल्ह्यातील १६ तालुक्यांमध्ये २५ संचालक पदांसाठी निवडणूक प्रक्रिया पार पडत असून, ५८ उमेदवारांचे राजकीय भवितव्य मतपेटीत बंद होणार आहे. दोन संचालक बिनविरोध निवडून आल्याने उर्वरित २३ जागांसाठी चुरस निर्माण झाली आहे.
या निवडणुकीत शेतकरी बळीराजा सहकार पॅनलच्या माध्यमातून खासदार संजय देशमुख, पालकमंत्री संजय राठोड, मंत्री इंद्रनील नाईक आणि मंत्री अशोक उईके यांच्यासह दिग्गज नेत्यांचे पॅनल मैदानात उतरले आहे. तर शेतकरी सहकार विकासाकडे परिवर्तन पॅनलमधून काँग्रेसचे ज्येष्ठ नेते माणिकराव ठाकरे यांच्या सुपुत्रासह अनेक उमेदवार निवडणूक लढवत आहेत.
आज सायंकाळी पाच वाजेपर्यंत मतदानाची प्रक्रिया सुरू राहणार असून, उद्या मतमोजणी होणार आहे. त्यामुळे जिल्हा बँकेच्या सत्तेची चावी कोणाच्या हाती जाणार, याकडे शेतकरी, सहकार क्षेत्र आणि राजकीय वर्तुळाचे लक्ष लागले आहे.
