Yashasvi Jaiswal has decided to play for Goa instead of Mumbai in domestic cricket : सध्या आयपीएलचा १८ वा हंगाम सुरू आहे. केवळ भारतच नाही तर जगभरातील महान खेळाडू सध्या भारतात आहेत आणि आपापल्या संघांसाठी त्यांची प्रतिभा दाखवत आहेत. दरम्यान, यशस्वी जैस्वालबाबत एक मोठी आणि महत्त्वाची बातमी समोर आली आहे. यशस्वीने आपला संघ सोडत आहे आणि आता तो एका नवीन संघाकडून खेळताना दिसणार आहे, अशी माहिती मिळाली आहे. तो असं कारण करतोय आणि कोणत्या संघाकडून खेळणार आहे? जाणून घेऊया.

यशस्वी आता मुंबई सोडून गोव्याला जातोय –

यशस्वी जैस्वाल आयपीएलमधील नव्हे, तर देशांतर्गत क्रिकेटमधील संघ बदलत आहे. सध्या तो देशांतर्गत क्रिकेटमध्ये मुंबई संघाचे प्रतिनिधित्व करत आहे. पण आता तो गोव्याकडे वळला आहे. क्रिकबझच्या एका वृत्तानुसार, यशस्वी जैस्वालने या संदर्भात मुंबई क्रिकेट असोसिएशनकडून एनओसी (ना हरकत प्रमाणपत्र) मिळवले आहे. या संपूर्ण प्रकरणाची कोणालाही कल्पना नव्हती आणि अचानक या संपूर्ण प्रकरणाने सर्वांनाच धक्का बसला आहे. यशस्वी जैस्वाल गोव्याचा कर्णधारही होऊ शकतो, असा दावाही अहवालात करण्यात आला आहे.

गोवा क्रिकेट असोसिएशनने यासाठी त्याला ऑफर दिली आहे. असे म्हटले जाते की अनेक मोठे खेळाडू मुंबईसाठी देशांतर्गत क्रिकेट देखील खेळतात. अशा परिस्थितीत, यशस्वी जैस्वाल मुंबईचा कर्णधार होण्याची शक्यता खूपच कमी आहे. सध्या अजिंक्य रहाणे संघाचे नेतृत्व करत आहे, तर त्याच्या अनुपस्थितीत श्रेयस अय्यरचा दावा सर्वात मजबूत आहे. श्रेयस अय्यरनेही अनेक वेळा संघाचे नेतृत्व केले आहे.

हेही वाचा – LSG vs PBKS : झहीर खानने पंजाबविरुद्धच्या पराभवासाठी ‘या’ गोष्टीला धरले जबाबदार; म्हणाला ‘असे दिसते की पंजाबच्या…’

आयपीएल दरम्यान यशस्वीने एमसीएला लिहिले होते पत्र –

यशस्वी जैस्वाल यांनी एमसीए म्हणजेच मुंबई क्रिकेट असोसिएशनला पत्र लिहिले, तेव्हा तो गुवाहाटीत होता आणि त्यांच्या संघाच्या आयपीएल सामन्यासाठी तिथे पोहोचला होता. यानंतर लवकरच, यशस्वी जैस्वालला मुंबईने एनओसी दिली आणि जैस्वालचा गोव्याकडून खेळण्याचा मार्गही मोकळा झाला आहे. असे म्हटले जाते की मेल पाठवण्यापूर्वी, यशस्वी जैस्वालने एमसीए अधिकाऱ्यांशी बोलून त्यांना सांगितले की, त्याला गोव्याकडून कर्णधारपदाची ऑफर मिळाली आहे.