वुहान : जागतिक स्तरावर मागील ३ वर्षांपासून ज्या राष्ट्राची मोठ्या प्रमाणात चर्चा सुरु आहे. त्या चीनच्या राष्ट्राध्यक्ष पदावर पुन्हा एकदा शी जिनपिंग विराजमान झाले आहेत. नॅशनल पीपल्स पार्टीच्या १४ व्या बैठकीत शी जिनपिंग हे तिसऱ्यांदाचे चीनचे राष्ट्राध्यक्ष होतील यावर शिक्कामोर्तब करण्यात आले आहे. त्यामुळे आता शी जिनपिंग यांची ताकद आणखी वाढली असल्याचे सांगण्यात येत आहे.

आजपासूनच ते तिसऱ्यांदा राष्ट्राध्यक्षपदाची धुरा सांभाळतील. माओ त्से तुंग यांच्यानंतर पहिल्यांदाच प्रदीर्घकाळ चीनच्या राष्ट्राध्यक्ष पदावर विराजमान होणारे शी जिनपिंग हे पहिले नेता आहेत. चीन सरकार आणि अर्थव्यवस्था या दोघांवर पकड मजबूत करण्याचा निश्चय शी जिनपिंग यांनी केला आहे.

चीनच्या खासदारांची नॅशनल पीपल्स काँग्रेसने नुकतीच एक बैठकीची पार पडली. ही बैठक आठवडाभर सुरू होती. या बैठकीत ६९ वर्षीय शी जिनपिंग यांना काही आव्हानांनाही सामोरे जावे लागले आहे. त्यांच्या झीरो कोव्हिड नितीवरही काही प्रश्न उपस्थित केले गेले. मात्र यानंतर या सगळ्या बैठकीच्या नंतर शी जिनपिंग यांचे नाव निश्चित करण्यात आले.

चीनच्या राष्ट्राध्यक्षांची निवड चीनच्या कम्युनिस्ट पक्षाकडून त्यांच्या बैठकीत केली जाते. ऑक्टोबरच्या मध्यात कम्युनिस्ट पक्षाच्या सेंट्रल कमिटीकडून देशभरात लोकप्रतिनिधींची नियुक्ती केली जाते. यंदा सुमारे ३ हजार प्रतिनिधींची नियुक्ती करण्यात आल्याचे सांगितले जात आहे. या प्रतिनिधींची बैठक पार पडते. सेंट्रल कमिटीमध्ये २०० सदस्य असतात. ही सेंट्रल कमिटी पॉलिटब्युरो मधील २५ सदस्यांची नेमणूक करतात आणि सात सदस्यीय स्थायी समितीमधून एका व्यक्तीची राष्ट्राध्यक्ष म्हणूनही निवड करतात.

चीनमध्ये एकपक्षीय राजवट आहे. चायनीज कम्युनिस्ट पार्टी म्हणजे कम्युनिस्ट पार्टी ऑफ चायना, हा चीनचा एकमेव सत्ताधारी पक्ष आहे. शी जिनपिंग यांची दोन वेळा राष्ट्राध्यक्ष म्हणून निवड झाली. आता शी जिनपिंग पुन्हा एकदा राष्ट्राध्यक्ष पदावर विराजमान झाले आहेत.