Women’s Premier League 2024 Eliminator Match :  महिला प्रीमियर लीगच्या दुसऱ्या सत्राचा एलिमिनेटर सामना मुंबई इंडियन्स आणि रॉयल चॅलेंजर्स बंगळुरू यांच्यात होणार आहे. हरमनप्रीत कौरच्या नेतृत्वाखालील संघाने या मोसमात दुसरे स्थान पटकावले तर आरसीबीने गुणतालिकेत तिसरे स्थान पटकावले.

बुधवारी संध्याकाळी दिल्ली कॅपिटल्स आणि गुजरात जायंट्स यांच्यात झालेल्या सामन्यात मेग लॅनिंगच्या संघाने पुन्हा एकदा विजय मिळवला आणि अंतिम फेरी गाठणारा पहिला संघ ठरला. गेल्या मोसमातही दिल्लीने प्रथमच अंतिम फेरी गाठली होती.

मुंबईचे वर्चस्व…

शुक्रवारी (15 मार्च) मुंबई इंडियन्स आणि आरसीबी यांच्यात चुरशीची स्पर्धा होणार आहे. मंधानाच्या संघाने या मोसमात एकूण आठ सामने खेळले, ज्यात चारमध्ये विजयाची चव चाखली. त्याचवेळी मुंबईने आठपैकी पाच सामने जिंकले. या हंगामात दोन्ही संघांमध्ये दोन साखळी सामने खेळले गेले, एक सामना हरमनप्रीत कौरच्या संघाने तर दुसरा सामना आरसीबीने जिंकला.

त्याचवेळी, गेल्या मोसमातही दोन्ही संघांमध्ये दोन साखळी सामने झाले ज्यात मुंबईने दोन्ही सामने जिंकले. अशा स्थितीत पाहिले तर मुंबईचे वर्चस्व दिसून येते.

एलिस पेरीच्या जोरावर आरसीबीने प्लेऑफचा प्रवास केला निश्चित…

आरसीबीची स्टार अष्टपैलू खेळाडू एलिस पेरीने 12 मार्च रोजी खेळल्या गेलेल्या 19व्या लीग सामन्यात दमदार कामगिरी केली. तिने महिला प्रीमियर लीगच्या इतिहासातील सर्वोत्तम गोलंदाजी करत 15 धावांत सहा बळी घेतले. त्यानंतर त्याने नाबाद 40 धावाही केल्या.

पेरीच्या बळावर मुंबईचा संघ 19 षटकांत 113 धावांवर गारद झाला . प्रत्युत्तरात आरसीबीने 15 षटकांत तीन गड्यांच्या मोबदल्यात 115 धावा केल्या आणि सात गडी राखून विजय मिळवला. सामनावीर एलिस पेरीच्या संस्मरणीय अष्टपैलू कामगिरीमुळे आरसीबीने प्लेऑफमध्ये प्रवेश केला. एलिमिनेटर सामन्यातही महिला खेळाडूंकडून अशाच कामगिरीची अपेक्षा असेल.

Mark your Calendars! 🗓️

It’s the Mumbai Indians who will take on the Royal Challengers Bangalore in the #TATAWPL Eliminator 🥳#MIvRCB | #Eliminator | @mipaltan | @RCBTweets pic.twitter.com/q92MLJvuaD

— Women’s Premier League (WPL) (@wplt20) March 13, 2024

दोन्ही संघ पुढीलप्रमाणे…

रॉयल चॅलेंजर्स बंगळुरू : स्मृती मानधना (कर्णधार), दिशा कसाट, सब्बिनेनी मेघना, आशा शोभना, एलिस पेरी, जॉर्जिया वेरेहम, नदिन डी क्लर्क, श्रेयंका पाटील, शुभा सतीश, सोफी डेव्हाईन, इंद्राणी रॉय (विकेटकीपर), रिचा घोष (विकेटकीपर), एकता बिश्त, केट क्रॉस, रेणुका सिंग, श्रद्धा पोकरकर, सिमरन बहादूर, सोफी मॉलिनक्स.

https://wordpress-1295094-4705890.cloudwaysapps.com/ranji-trophy-2024-prize-money-money-rains-on-champion-mumbai-know-how-much-prize-money-was-received/

मुंबई इंडियन्स : हरमनप्रीत कौर, अमनदीप कौर, अमेलिया केर, क्लो ट्रायॉन, ॲलिसा मॅथ्यूज, हुमैरा काझी, इसाबेल वोंग, जिंतीमनी कलिता, क्रिथना बालकृष्णन, नताली सीव्हर ब्रंट, पूजा वस्त्राकर, सजीवन सजना, प्रियांका बाला (विकेटकीपर), यास्तिका भाटिया, फतिमा जाफर, सायका इशाक, शबनीम इस्माईल.