Panchayat Season 4 ।  ‘पंचायत’ मालिका OTT वरील सर्वोत्कृष्ट मालिकांपैकी एक आहे. आत्तापर्यंत तीन भाग आले असून तिन्ही भागांना प्रेक्षकांचे भरभरून प्रेम मिळाले आहे. ‘पंचायत’चा सचिव असो की प्रधान, प्रेक्षक या मालिकेतील प्रत्येक पात्राशी स्वत:ला जोडू शकतात. नुकताच या मालिकेचा तिसरा भाग प्रदर्शित झाला जो प्रचंड यशस्वी ठरला. तेव्हापासून त्याचे चाहते 4 सीझन येण्याची आतुरतेने वाट पाहत आहेत. आता ‘पंचायत 4’ च्या रिलीज डेटचे मोठे अपडेट आले आहे.

दिग्दर्शक दीपक कुमार मिश्रा यांनी आधीच खुलासा केला आहे की, त्यांनी पंचायत सीझन 4 आणि 5 वर काम सुरू केले आहे, म्हणजेच लेखकांनी स्क्रिप्टवर काम सुरू केले आहे. आता रिपोर्टनुसार, नवीन सीझनचे शूटिंग सुरू करण्यासाठी निर्माते पावसाळा संपण्याची वाट पाहत आहे. रिपोर्टनुसार, नवीन सीझन 2026 मध्ये रिलीज होण्याची अपेक्षा आहे. मात्र, ‘पंचायत 4’ कधी येणार याबाबत अद्याप कोणतीही अधिकृत घोषणा करण्यात आलेली नाही. याशिवाय, या मालिकेचे शूटिंग ऑक्टोबर 2024 मध्ये मध्य प्रदेशमध्ये होण्याची शक्यता आहे.

‘पंचायत ४’ची स्टोरी लाईन कशी असेल अशीही चर्चा होत आहे. जितेंद्र कुमार, सान्विका, नीना गुप्ता, रघुवीर यादव यांसारख्या स्टार्सनी ‘पंचायत 3’ मध्ये काम केले आहे. गेल्या तीन हंगामात फुलेरा गावात प्रमुख होण्यासाठी लढत झाली. ‘पंचायत 4’ची कथा निवडणुकीभोवती फिरणार असून यावेळी रिंकी आणि सेक्रेटरीचा रोमान्स फुलणार की नाही हेही या मालिकेत कळणार आहे.यावरून प्रल्हाद निवडणुकीत भाग घेणार की नाही हे पुढे स्पष्ट होईल.

शो आणखी मनोरंजक बनवण्यासाठी निर्माते नवीन कलाकार जोडत आहे. मागच्या सीझनमध्ये नवीन खासदाराबाबत चर्चा झाली होती, त्यांनाही सीझन 4 मध्ये घेण्यात येणार आहे. सीझन 3 मधील लोकगीते सीझन 4 मध्ये देखील रिक्रिएट करण्याची तयारी निर्माते करत आहेत. सध्या सर्वजण ‘पंचायत 4’ च्या आगमनाची आतुरतेने वाट पाहत आहेत. नवीन भाग प्राइम व्हिडिओवर त्याच्या दुसऱ्या सीझनप्रमाणे स्ट्रीम केला जाईल.

================