दुबई :- भारतीय कर्णधार हरमनप्रीत कौर आणि सलामीवीर शफाली वर्मा यांनी दक्षिण आफ्रिकेविरुद्ध नुकत्याच संपलेल्या मालिकेतील शानदार कामगिरीच्या जोरावर आयसीसी टी-20 क्रमवारीत अनुक्रमे 12 व्या आणि 15 व्या स्थानावर धेप घेतली आहे आहे. हरमनप्रीत 613 रेटींग गुणांसह तीन स्थानांनी पुढे गेली आहे. तर शेफालीला दोन स्थानांचा फायदा झाला आहे.

न्यूझीलंडच्या अमेलिया केर आणि इंग्लंडच्या डॅनी व्याट यांच्यासोबत ती 15 व्या स्थानावर आहे. सलामीवीर स्मृती मानधना पाचव्या स्थानावर कायम असून ती भारतीय खेळाडूंमध्ये अव्वल स्थानावर आहे.

Team India : टी-20 कर्णधाराबाबत BCCI मध्ये वाद..! हार्दिकवर एकमत नाही? जाणून घ्या, मग कोण आहे दावेदार…

गोलंदाजांच्या यादीत अनुभवी दीप्ती शर्मा तिसऱ्या स्थानावर कायम आहे. राधा यादव आठ स्थानांनी प्रगती करत 15व्या, पूजा वस्त्राकर सहा स्थानांनी 23व्या तर श्रेयंका पाटील नऊ स्थानांनी प्रगती करत 60व्या स्थानावर आली आहे. इंग्लंडची फिरकीपटू सारा ग्लेनने 768 गुणांसह तिच्या कारकिर्दीतील नवीन सर्वोच्च रेटिंग प्राप्त केली आहे.