Women’s Asia Cup 2024 (IND vs PAK) : येत्या 19 जुलैपासून श्रीलंकेच्या भूमीवर महिला टी-20 आशिया चषक स्पर्धा होणार आहे. यावेळी महिला टी-20 आशिया कपमध्ये 8 संघ सहभागी होणार आहेत. त्यात भारत, पाकिस्तान, श्रीलंका, बांगलादेश, संयुक्त अरब अमिराती, नेपाळ, मलेशिया आणि थायलंड या संघांचा समावेश आहे. टी-20 आशिया कप ही महिला क्रिकेटमधील अत्यंत महत्त्वाची स्पर्धा आहे.

सर्व 8 संघांची 4-4 च्या दोन गटात विभागणी करण्यात आली आहे. यामध्ये भारतीय महिला संघाचा ‘अ’ गटात समावेश आहे. भारतीय संघाव्यतिरिक्त या गटात पाकिस्तान, संयुक्त अरब अमिराती आणि नेपाळचा समावेश आहे तर ‘ब गटात बांगलादेश, श्रीलंका, मलेशिया आणि थायलंड या संघांचा समावेश आहे. या स्पर्धेत दोन सेमीफायनल आणि फायनल असे एकूण 15 सामने होतील. 28 जुलै रोजी अंतिम सामना होणार आहे.

टी-20 आशिया चषक स्पर्धेसाठी भारतीय महिला संघाची घोषणा यापूर्वीच करण्यात आली आहे. यामध्ये भारतीय महिला संघ 19 जुलै रोजी पाकिस्तानी महिला संघाविरुद्ध पहिला सामना खेळणार आहे. आता याआधीही श्रीलंका क्रिकेटने चाहत्यांना मोठी बातमी दिली आहे. श्रीलंका क्रिकेटने एका प्रसिद्धीपत्रकात म्हटले आहे की, “सर्व सामने आंतरराष्ट्रीय प्लॅटफॉर्मवर थेट प्रक्षेपित केले जातील आणि आशिया चषक स्पर्धेतील सर्व सामन्यांसाठी चाहत्यांना स्टेडियममध्ये विनामूल्य प्रवेश दिला जाईल. त्यामुळे आता चाहत्यांना भारत-पाकिस्तान सामन्यासह सर्व सामने सामने विनामूल्य पाहता येणार आहेत.”

Paris Olympics 2024 : विराट कोहलीचा ऑलम्पिकसाठी पात्र ठरलेल्या भारतीय खेळाडूंना खास Video संदेश…! जाणून घ्या, काय म्हणाला…

भारतीय संघाचे सामने..

भारतीय महिला संघ 19 जुलै रोजी पाकिस्तानविरुद्ध पहिला सामना खेळणार आहे. यानंतर 21 जुलैला यूएई आणि 23 जुलैला नेपाळविरुद्ध सामने होणार आहेत. भारत गतविजेता असून सात वेळा ही स्पर्धा जिंकली आहे. पहिला सामना युएई (UAE) आणि नेपाळ यांच्यात दुपारी 2 वाजता होणार आहे. श्रीलंकेचा या स्पर्धेतील पहिला सामना बांगलादेश विरुद्ध 20 जुलै रोजी सायंकाळी 7 वाजता होणार आहे.

महिला टी20 आशिया कपसाठी भारतीय संघ – हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, दीप्ती शर्मा, जेमिमाह रॉड्रिग्स, रिचा घोष (विकेटकीपर), उमा छेत्री (विकेटकीपर), पूजा वस्त्राकर, अरुंधती रेड्डी, रेणुका सिंग ठाकूर, दयालन हेमलता, आशा शोभना. , राधा यादव, श्रेयंका पाटील आणि सजना सजीवन.

राखीव खेळाडू : श्वेता सेहरावत, सायका इशाक, तनुजा कंवर आणि मेघना सिंग.