Women’s Big Bash League : ‘टीम ऑफ द डिकेड’ साठी 50 खेळाडूंची निवड, भारताच्या ‘या’ एकमेव महिला खेळाडूचे नाव झाले शॉर्टलिस्ट…
Women’s Big Bash League Team of the Decade : महिला बिग बॅश लीगतर्फे ‘टीम ऑफ द डिकेड’ साठी 50 शॉर्टलिस्ट केलेल्या खेळाडूंची नावे गुरूवारी जाहीर करण्यात आली. यामध्ये एकमेव भारतीय महिला खेळाडूच्या नावाचा समावेश आहे, ती म्हणजे भारतीय महिला संघाची कर्णधार हरमनप्रीत कौर होय. यामध्ये महिला बिग बॅश लीग (WBBL) च्या 10 वर्षांच्या इतिहासातील 12 महान खेळाडूंना या मोसमात सन्मानित केले जाईल. ज्यामध्ये बिग बॅश अधिकृतपणे ‘टीम ऑफ द डिकेड’ ची 12 नावं निश्चित करेल.
उजव्या हाताच्या भारतीय फलंदाजाने WBBL मध्ये सिडनी थंडर आणि मेलबर्न रेनेगेड्ससाठी आतापर्यंत 62 सामने खेळले आहेत. तिने 37.89 च्या सरासरीने 1440 धावा केल्या आहेत ज्यात सात अर्धशतकांचा समावेश आहे. या यादीत अशा खेळाडूंचा समावेश आहे ज्यांनी चालू हंगामापूर्वी किमान 60 WBBL सामने खेळले आहेत. त्यासाठी बिग बॅशने केवळ 12-खेळाडूंच्या संघाला अंतिम करण्यासाठी तज्ञांच्या निवड समितीची नियुक्ती केली आहे.
क्रिकेट ऑस्ट्रेलियाचे संचालक क्ली स्मिथ यांच्या अध्यक्षतेखालील समितीमध्ये मेल जोन्स, लिसा स्थाळेकर, मॅथ्यू मॉट, क्वेंटिन हल, लॉरा जॉली आणि ॲलिस्टर डॉब्सन यांचा समावेश आहे. चाहत्यांना दशकातील त्यांचा स्वतःचा संघ निवडण्याची संधी देखील असेल, ज्यामध्ये पॅनेलच्या निवडीनुसार सार्वजनिकरित्या मतं देता येतील.
बिग बॅश ॲपवर 11 ते 24 नोव्हेंबर दरम्यान सार्वजनिक मतदान (Voting) खुले असेल. त्यानंतर पॅनेल 12-खेळाडूंच्या संघाला अंतिम रूप देण्यासाठी सार्वजनिक मतांचे पुनरावलोकन करेल आणि ती मते आपल्या निवडीशी एकत्रित करतील. ज्याची घोषणा 1 डिसेंबर रोजी WBBL 10 फायनलमध्ये केली जाईल. लीगच्या नियमांनुसार अंतिम अकरा खेळाडूंमध्ये जास्तीत जास्त तीन परदेशी खेळाडूंचा समावेश असेल.
👀 Coming soon. Who are the first players you’d pick?
View the 50-player shortlist in the Big Bash App 📲 #WBBL10 pic.twitter.com/9pxooOhFdc
— Weber Women’s Big Bash League (@WBBL) November 7, 2024
WBBL दशकातील संघासाठी शॉर्टलिस्ट केलेली नावे : सारा एली, सामंथा बेट्स, सूजी बेट्स (आंतरराष्ट्रीय), एलेक्स ब्लैकवेल, निकोल बोल्टन, निकोला केरी, लॉरेन चीटल, सारा कोयटे, हन्ना डार्लिंगटन, सोफी डिवाइन (आंतरराष्ट्रीय), मिग्नॉन डू प्रीज़ (आंतरराष्ट्रीय), जेस डफिन, रेने फैरेल, एशले गार्डनर, हीथर ग्राहम, निकोला हैंकॉक, ग्रेस हैरिस, लॉरा हैरिस, राचेल हैन्स, एलिसा हीली, सैमी-जो जॉनसन, जेस जोनासेन, मारिजाने काप (आंतरराष्ट्रीय), हरमनप्रीत कौर (आंतरराष्ट्रीय), डेलिसा किमिन्से, अलाना किंग, हीथर नाइट (आंतरराष्ट्रीय), मेग लैनिंग, लिजेल ली (आंतरराष्ट्रीय), कैटियन मैक, हेले मैथ्यूज (आंतरराष्ट्रीय), ताहलिया मैकग्राथ, टेगन मैकफर्लिन, सोफी मोलिनक्स, बेथ मूनी, एलिस पेरी, राहेल प्रीस्ट (आंतरराष्ट्रीय), जॉर्जिया रेडमायने, एमी सैटरथवेट (आंतरराष्ट्रीय), मेगन स्कुट, नताली साइवर-ब्रंट (आंतरराष्ट्रीय), मौली स्ट्रानो, एनाबेल सदरलैंड, स्टेफनी टेलर (अंतर्राष्ट्रीय), डेन वैन नीकेर्क (आंतरराष्ट्रीय), एलीस विलानी, जॉर्जिया वेयरहैम, अमांडा-जेड वेलिंगटन, लौरा वोल्वार्ड्ट (आंतरराष्ट्रीय), डैनी व्याट-हॉज (आंतरराष्ट्रीय).
