मांढरदेव : मांढरदेव येथील अवैध दारू विक्री बंद करण्याचा निर्धार महिलांनी बैठकीमध्ये केला. लाखो भाविकांचे श्रद्धास्थान असलेल्या मांढरदेवी काळूबाईच्या दर्शनासाठी देवीच्या वारादिवशी व अमावस्या पौर्णिमेला लाखो भाविक येत असतात. एक प्रसिद्ध असे तीर्थस्थळ नवसाला पावणारी देवी काळुबाई म्हणून संपूर्ण महाराष्ट्रामध्ये मांढरदेव गावची ओळख आहे. देवीच्या दर्शनासाठी आलेले भाविक देवीचे शिपाई यांना बकरी कोंबडी कापून त्यांचा नैवेद्य दाखवण्याची परंपरा गेल्या अनेक वर्षापासून सुरू आहे. आणि मटण म्हटले की मद्यपान आलेच हे समीकरण असते. त्यामुळे मांढरदेव गावांमध्ये मध्य विक्रीचे अनेक अवैध सुरू झाले आहेत. हे बेकायदेशीर दारू विक्री करणारे लोक देवीला येणाऱ्या भाविकांसोबत गावातील लोकांना देखील दारू विक्री करत असतात. आणि त्यामुळे गावातील अनेक तरुणाई व्यसनाधीन झालेली पाहावयास मिळत आहे. त्यामुळे अनेक तरुणांचे आरोग्य धोक्यात आले असून अनेकांचे संसार उध्वस्त झालेले आहेत.आणि या गोष्टीचा आता अतिरेक झाल्यामुळे गावातील सर्वच महिलांनी एकत्र येऊन दारू विक्री करणाऱ्या व्यवसायिकांना धडा शिकवून गावातील मद्य विक्री व्यवसाय कायमस्वरूपी बंद करण्याचे ठरविले आहे. या बैठकीस मांढरदेव गावच्या सरपंच सौ. सीमा मांढरे, मांढरदेव गावच्या पोलीस पाटील सौ. जयश्री मांढरे तसेच गावातील बऱ्याच सुशिक्षित व प्रतिष्ठित महिला हजर होत्या.
