Women centric OTT Stories: २०२५ हे वर्ष ओटीटी प्लॅटफॉर्म्ससाठी खास ठरले. या वर्षी डिजिटल माध्यमावर महिला-केंद्री कथा मोठ्या ताकदीने पुढे आल्या. ओटीटीमुळे केवळ नव्या विषयांना वाव मिळाला नाही, तर अभिनेत्रींसमोरही आव्हानात्मक, धाडसी आणि भावनिकदृष्ट्या खोल भूमिका साकारण्याची संधी निर्माण झाली. अनेक अभिनेत्रींच्या दमदार अभिनयामुळे २०२५ मध्ये ओटीटीची ओळखच बदलून गेली. भूमी पेडणेकर – ‘द रॉयल्स’ भूमी पेडणेकरने नेटफ्लिक्सवरील ‘द रॉयल्स’ या वेबसीरिजमधून आपल्या अभिनयाचा नवा पैलू दाखवला. सत्ता, राजकारण आणि डावपेचांच्या गुंतागुंतीत अडकलेल्या एका खंबीर महिलेची भूमिका तिने प्रभावीपणे साकारली. ९ मे रोजी प्रदर्शित झालेल्या या सीरिजमध्ये भूमीची देहबोली आणि भावनांचा समतोल कथेला अधिक बळ देणारा ठरला. हुमा कुरैशी – ‘महाराणी’ सीझन ४ हुमा कुरैशीने ‘महाराणी सीझन ४’ मध्ये आपल्या राजकीय भूमिकेला अधिक परिपक्वतेने सादर केले. ७ नोव्हेंबर रोजी सोनी लिव्हवर आलेल्या या सीरिजमधून तिने सत्तेच्या राजकारणात महिलाही निर्णायक भूमिका बजावू शकतात, हे ठळकपणे दाखवून दिले. प्रत्येक सीझनसोबत तिच्या पात्राचा प्रवास अधिक प्रभावी होत गेला. कृति खरबंदा आणि कुब्रा सैत ओटीटीवर पदार्पण करणाऱ्या कृति खरबंदा हिने ‘राणा नायडू सीझन २’ मध्ये ग्रे शेड असलेली भूमिका साकारत सगळ्यांना चकित केले. १३ जून रोजी नेटफ्लिक्सवर आलेल्या या सीरिजमध्ये तिने निगेटिव्ह आणि गुंतागुंतीच्या भूमिका आत्मविश्वासाने निभावू शकते, हे सिद्ध केले. तर कुब्रा सैत हिने ‘द ट्रायल सीझन २’ मध्ये आपल्या सशक्त अभिनयातून कायदेशीर आणि वैयक्तिक संघर्षांची कथा प्रभावीपणे मांडली. १९ सप्टेंबर रोजी जिओ हॉटस्टारवर प्रदर्शित झालेली ही सीरिज कथेला मजबूत बनवणारी ठरली. नुसरत भरुचा, सान्या मल्होत्रा आणि शबाना आजमी नुसरत भरुचा हिने हॉरर चित्रपट ‘छोरी २’ मध्ये भीती आणि धैर्य यांचा सुंदर समतोल दाखवला. ११ एप्रिल रोजी अमेझॉन प्राइम व्हिडिओवर प्रदर्शित झालेल्या या चित्रपटातून तिने वेगळे आणि धाडसी पर्याय निवडले. सान्या मल्होत्रा हिच्या ‘मिसेस’ या कथेत आत्मशोधाचा प्रवास साधेपणाने मांडला गेला, तर शबाना आजमी यांनी ‘डब्बा कार्टेल’ मधून आपल्या अनुभवाने ओटीटी ड्रामाला नव्या उंचीवर नेले. २०२५ मध्ये या अभिनेत्रींच्या प्रभावी अभिनयामुळे ओटीटीवरील महिला-केंद्री कथा अधिक ठळक, वास्तववादी आणि परिणामकारक ठरल्या आणि डिजिटल मनोरंजनाची दिशा बदलून गेली.
