Tumbbad 2 movie : असे काही चित्रपट असतात ज्यांची चर्चा रिलीज झाल्यानंतर जेवढी होत नाही तेवढी नंतर होते. यांच उदाहरम म्हणजे हॅारर थ्रिलर या जॅानरमधील तुंबाड हा चित्रपट. हा चित्रपट ज्यावेळी थिएटरमध्ये रिलीज झाला, त्यावेळी बऱ्यापैकी प्रतिसाद चित्रपटाला मिळाला. पण काही काळ गेल्यानंतर तुंबाड हा पुन्हा रिलीज झाल्यानंतर त्याची चर्चा खूप झाली. २०१८ साली प्रदर्शित झालेल्या या चित्रपटाला पुन्हा थिएटरमध्ये रिलीज झाल्यानंतर भरभरून प्रेम दिले. आता तुंबाड २ येणार असल्याची चर्चा होत असतानाच या चित्रपटाची आणखी एक मोठी अपडेट समोर आली आहे. या बहुचर्चित चित्रपटात एका अभिनेत्रीची एन्ट्री होणार असल्याची माहिती समोर आली आहे. मीडिया रिपोर्ट्सनुसार, ‘तुंबाड‘चे मुख्य अभिनेता आणि दिग्दर्शक सोहम शाहने ‘तुंबाड’साठी एका प्रसिद्ध अभिनेत्रीशी संपर्क साधला आहे. या अभिनेत्रीचे नाव आहे कंगणा रणौत. मात्र, अद्याप कंगणाच्या नावाची अधिकृत घोषणा करण्यात आलेली नाही. पण तिची एन्ट्री तुंबाड २ मध्ये झाल्यास तिला पाहणे म्हणजे चित्रपट प्रेमींसाठी एक मेजवाणीच ठरणार आहे. ‘तुंबाड’ हा चित्रपट २०१८ मध्ये प्रदर्शित झाला होता. तेव्हा या चित्रपटाने बॉक्स ऑफिसवर ७ कोटींची कमाई केली होती. मात्र, २०२४ मध्ये तो पुन्हा प्रदर्शित झाल्यावर, त्याने सुमारे ४० कोटींची कमाई करत चांगले यश मिळवले होते. सोहम शाह ‘तुंबाड २’ मध्ये मुख्य अभिनेत्याचे काम करणार असून दिग्दर्शनाचीही जबाबदार तो त्याच्या खांद्यावर घेणार असल्याचे सांगितले जात आहे. तुंबाड २ च्या शुटिंगला २०२६ मध्ये सुरूवात केली जावू शकते. या चित्रपटाचा अंदाजित खर्च हा तब्बल १५० कोटी रुपयांचा असणार आहे. हेही वाचा : हरियाणात काँग्रेसने दोन दशकांनंतर रणनीती बदलली ; जाट-दलितऐवजी जाट-ओबीसींवर केलं ‘फोकस’
