Political News : गुजरातच्या राजकारणातून मोठी राजकीय घडामोड समोर आली आहे. माजी मुख्यमंत्री शंकरसिंह वाघेला यांनी जवळपास दशकभरानंतर पुन्हा काँग्रेसमध्ये प्रवेश करण्याची तयारी दर्शवली आहे. भाजप सरकारला सत्तेतून हटवण्यासाठी काँग्रेसमध्ये परतण्यास आपण तयार असल्याचे वाघेला यांनी सांगितले. मात्र, काँग्रेस प्रवेशाबाबतचा अंतिम निर्णय राहुल गांधी यांच्याशी भेट झाल्यानंतर घेतला जाईल, असे त्यांनी स्पष्ट केले आहे. (Political News)

शंकरसिंह वाघेला यांनी ‘द इंडियन एक्स्प्रेस’शी बोलताना काँग्रेसमध्ये पुनरागमनाबाबत पक्षातील काही वरिष्ठ नेत्यांशी चर्चा झाल्याची माहिती दिली. काँग्रेसचे गुजरात प्रभारी, प्रदेशाध्यक्ष अमित चावडा तसेच पक्षातील इतर नेत्यांशी याबाबत चर्चा झाल्याचे त्यांनी सांगितले. मात्र राहुल गांधी यांची भेट झाल्यानंतरच पुढील निर्णय घेतला जाईल, असे वाघेला यांनी स्पष्ट केले आहे. (Political News)

२०१७ मध्ये सोडला होता काँग्रेसचा हात

शंकरसिंह वाघेला यांनी २०१७ मध्ये काँग्रेस पक्ष सोडला होता. त्यानंतर त्यांनी स्वतंत्र राजकीय वाटचाल केली. आता जवळपास दहा वर्षांनंतर त्यांच्या काँग्रेसमध्ये पुनरागमनाची चर्चा सुरू झाली आहे. यापूर्वीही वाघेला यांच्या काँग्रेसमध्ये परतण्याबाबत चर्चा झाल्या होत्या. (Political News)

दरम्यान, गुजरातमध्ये आगामी राजकीय घडामोडींच्या पार्श्वभूमीवर वाघेला यांच्या संभाव्य काँग्रेस प्रवेशाकडे राजकीय वर्तुळाचे लक्ष लागले आहे. वाघेला यांनी पक्षाकडून आपल्याला कोणत्याही पदाची किंवा वैयक्तिक अपेक्षेची गरज नसून पक्षासाठी योगदान देण्याची इच्छा असल्याचे म्हटले आहे. (Political News)

वाघेला यांनी आपल्या पुढील राजकीय वाटचालीबाबतही संकेत दिले आहेत. त्यांनी स्थापन केलेल्या प्रजा शक्ती डेमोक्रॅटिक पक्षाच्या माध्यमातून २ ऑक्टोबरपासून प्रचारमोहीम सुरू करण्याची घोषणा केली आहे. त्यामुळे काँग्रेसमध्ये प्रवेशाबाबतचा अंतिम निर्णय आणि त्यानंतरची त्यांची राजकीय भूमिका काय असेल, याकडे लक्ष लागले आहे. (Political News)

Political News : काँग्रेसमध्ये मोठी घडामोड..! बड्या नेत्यासह अनेकांनी पक्षाला ठोकला रामराम; BRSमध्ये केला प्रवेश

Political News : कॉंग्रेसकडून अपयश लपवण्यासाठी नवे बहाणे; एसआयआरवरील टीकेवरून भाजपचा पलटवार