Pune Ganesh Festival 2025 : गणपती उत्सुवाला अवघे काही दिवसच शिल्लक राहिले आहेत. त्यामुळे पुणे शहरात सार्वजनिक गणपती उत्सव मंडळांकडून जय्यत तयारी केली जात आहे. ही तयारी आता अंतिम टप्प्यात आली आहे. मात्र, दुसरीकडे विसर्जन मिरवणुकीवरून गेल्या काही दिवसांपासून वाद सुरू आहे. अशातच आता काही गणेश मंडळांनी अनंत चतुर्दशीच्या दिवशी सकाळी सात वाजता मिरवणूक काढणार असल्याचा निर्धार केला आहे. वर्षांनुवर्षे मानाच्या गणपतींमुळे विसर्जन मिरवणुकीत विंलब होत आहे, त्यामुळे सर्वांचेच हाल होतात, हे लक्षात घेऊन आम्ही हा निर्णय घेतला असल्याचं सांगण्यात आलं आहे. ‘कोणत्या मंडळाने किती वाजता विसर्जन मिरवणुकीत सहभागी व्हावे, हा ज्यांच्या त्याचा प्रश्न आहे, असं देखील स्पष्ट करण्यात आलं आहे, असे शहरातील साठ गणेशोत्सव मंडळांनी गुरुवारी बैठक घेत सांगितलं आहे. यामुळे सध्या विसर्जन मिरवणुकीवरून वादाच्या पार्श्वभूमीवर सुरेश जैन (रामेश्वर चौक तरुण मंडळ), आदेश पारवे (जुन्या जाईचा सार्वजनिक गणेशोत्सव मंडळ), भाऊसाहेब कर्पे (सहकार तरुण मित्रमंडळ) यांच्यासह साठ मंडळाच्या पदाधिकाऱ्यांनी पत्रकार परिषद घेऊन ही घोषणा केली आहे. मंडळांच्या मदाधिकाऱ्यांनी मांडलेले मुद्दे… सकाळी मिरवणूक काढल्याने वाहतुकीवरील ताण कमी होईल पोलिस व महापालिकेवरील ताण कमी होईल विसर्जन मिरवणूकही वेळेत संपेल नागरिकांनाही मिरवणुकीचा आनंद घेता येईल या संदर्भात पोलिस आयुक्तांना निवेदन सादर करणार वाद मिटविण्यासाठी सर्व मंडळांनी एकत्र बसून तोडगा काढावा परंतु घेतलेला निर्णय कोणत्याही परिस्थितीमध्ये बदलणार नाही हेही वाचा : Weather Update : राज्यात विजांच्या कडकडाटासह मुसळधार; मुंबई, पुण्यासह अनेक जिल्ह्यांना अलर्ट जारी
