Sunetra Pawar : सुनेत्रा पवार मुख्यमंत्री होणार? बड्या नेत्याच्या विधानाने महाराष्ट्राच्या राजकारणात चर्चांना उधाण
Sunetra Pawar : राज्याच्या उपमुख्यमंत्री सुनेत्रा पवार यांनी भविष्यात महाराष्ट्राच्या मुख्यमंत्री व्हावे, अशी इच्छा राज्याचे मंत्री छगन भुजबळ यांनी व्यक्त केली आहे.

Sunetra Pawar : उपमुख्यमंत्री सुनेत्रा पवार भविष्यात महाराष्ट्राच्या मुख्यमंत्री व्हाव्यात, अशी इच्छा मंत्री छगन भुजबळ यांनी व्यक्त केली आहे. सुनेत्रा पवार यांच्या नेतृत्वावर विश्वास व्यक्त करत भुजबळ यांनी केलेल्या या विधानामुळे राज्याच्या राजकीय वर्तुळात नव्या चर्चांना सुरुवात झाली आहे. (Sunetra Pawar)
छगन भुजबळ हे नुकतेच पुणे दौऱ्यावर आले होते. दौऱ्यानंतर माध्यमांशी संवाद साधताना त्यांनी सुनेत्रा पवार यांच्या नेतृत्वाबाबत आपले मत मांडले. सुनेत्रा पवार या राज्याच्या पहिल्या महिला उपमुख्यमंत्री असल्याचा उल्लेख करत त्यांच्या कामकाजाच्या पद्धतीवर आणि नेतृत्वावर आपला विश्वास असल्याचे भुजबळ यांनी सांगितले. (Sunetra Pawar)
सुनेत्रा पवार यांना मुख्यमंत्रीपदी पाहण्याची इच्छा
सुनेत्रा पवार यांनी भविष्यात राज्याचे मुख्यमंत्री व्हावे, अशी आपली इच्छा असल्याचे भुजबळ यांनी बोलून दाखवले. त्यांना राज्याच्या सर्वोच्च पदावर पाहायला आवडेल, असेही त्यांनी म्हटले. भुजबळ यांच्या या विधानामुळे सुनेत्रा पवार यांच्या पुढील राजकीय वाटचालीबाबत चर्चा सुरू झाली आहे. (Sunetra Pawar)
राज्याच्या राजकारणात चर्चांना वेग
सुनेत्रा पवार यांना मुख्यमंत्रीपदासाठी अनुकूलता दर्शवणारे भुजबळ यांचे विधान राजकीयदृष्ट्या महत्त्वाचे मानले जात आहे. आगामी काळात राष्ट्रवादी काँग्रेसमधील राजकीय समीकरणे आणि राज्यातील घडामोडी कोणते वळण घेतात, याकडे आता सर्वांचे लक्ष लागले आहे. (Sunetra Pawar)






