जेजुरी : तीर्थक्षेत्र जेजुरी येथे महामानव डॉ. बाबासाहेब आंबेडकर यांची ऐतिहासिक सभा झाली होती. तेथे त्यांच्या स्मृती जतन करण्यासाठी नगरपालिकेच्या वतीने आवश्यक असलेल्या निधीतून सुशोभीकरण करण्यात येणार आहे. महितीफलक लावण्यात येईल. लवकरच मुख्य चौकात डॉ. बाबासाहेब आंबेडकर यांच्या पूर्णाकृती पुतळ्याचे काम सुरू करण्यासाठी प्रयत्न केले जातील, अशी ग्वाही नगराध्यक्ष जयदीप बारभाई यांनी दिली. महामानव डॉ. बाबासाहेब आंबेडकर यांच्या १३५ व्या जयंती निमित्त शहरातील विद्यानगर, मुख्य आंबेडकर चौक, मल्हार नाट्यगृह, गडकोट पायथ्यानजिक अस्थीस्मारक आदी विविध ठिकाणी अभिवादन सोहळ्याचे आयोजन केले होते. यावेळी मुख्य आंबेडकर चौकात झालेल्या अभिवादन सोहळ्यात नगराध्यक्ष बारभाई यांच्यासह देवसंस्थांनचे प्रमुख विश्वस्त विश्वास पानसे, विश्वस्त मंगेश घोणे, नगरपालिकेचे मुख्याधिकारी चारुदत्त इंगुले, कर्मचारी, अधिकारी, व्याख्याते प्रा. नारायण टाक, नगरसेवक अस्लम पानसरे, योगेश जगताप, शिवाजी जगताप, स्वप्नील हरपळे, रोहित खोमणे, गणेश डोंबे, नगरसेविका मोनिका घाडगे, नीलम सातभाई, स्वरूपा खोमणे, भक्ती कोरपड, मंदा बयास, प्रज्ञा राऊत, योगिता दोडके, मेघा उबाळे, शिवसेनेचे विठ्ठल सोनवणे, भाजपचे सचिन पेशवे, सत्यवान उबाळे, सहायक पोलीस निरीक्षक दीपक वाकचौरे आदी उपस्थित होते. कार्यक्रमाचे आयोजन ज्येष्ठ नेते पंढरीनाथ जाधव, युवा नेते गौतम भालेराव, नगरसेविका स्नेहल भालेराव यांनी केले. यावेळी नवनिर्वाचित नगरसेवकांना संविधान प्रत तसेच नगरपरिषद अधिनियम व कायदे पुस्तक भेट देण्यात आले. अस्थीस्मारकात त्रिशरण, पंचशील प्रार्थना विद्यानगर येथे कुलस्वामिनी नवरात्र उत्सव मंडळाचे प्रशांत सरवदे, चंद्रकांत जगताप, संजय बनसोडे, राहुल भालेराव आदींनी अभिवादन कार्यक्रमाचे आयोजन केले होते. मल्हार नाट्यगृहात माजी नगराध्यक्ष अविनाश भालेराव, तानाजी भालेराव, रणजित भालेराव आदींच्या वतीने जयंती सोहळ्याचे तसेच विविध कार्यक्रमांचे आयोजन करून अभिवादन केले. गडकोटाचे पायथ्याशी असलेल्या अस्थीस्मारकात अनुयायांच्या वतीने त्रिशरण, पंचशील प्रार्थना घेण्यात आली. हेही वाचा : Baramati News : भाजपने ही निवडणूक हातात घेतली : प्रदेशाध्यक्ष चव्हाण; बारामतीत कार्यकर्ता मेळावा
