Kangana Ranaut : बॉलीवूड अभिनेत्री कंगना राणौत आता हॉलिवूडमध्ये पदार्पण करणार आहे. एका हॅार्रर चित्रपटात ती मुख्य भूमिकेत दिसणार असल्याची बातमी समोर आली आहे. या चित्रपटाचे नाव ‘ब्लेस्ड बी द एव्हिल’ असे असून चित्रपटाचे दिग्दर्शन अनुराग रुग्र हे करणार आहेत. या प्रोजेक्टमध्ये कंगनासोबत टीन वुल्फ, टायलर पोसी आणि हॉलिवूड आयकॉन सिल्वेस्टर स्टॅलोनची मुलगी स्कार्लेट रोज स्टॅलोन ही हॅालीवडूची कलाकार मंडळी देखील असणार आहेत.

व्हरायटीच्या वृत्तानुसार, या उन्हाळ्यात न्यू यॉर्क शहरात या चित्रपटाच्या चित्रीकरणाला सुरूवात होऊ शकते. हा चित्रपट अनुराग रुद्र हे दिग्दर्शित करणार आहेत. अनुराग यांनी याआधी लायन्स मूव्हीजचे अध्यक्ष आणि संस्थापक गाथा तिवारी यांच्यासोबत त्याची पटकथा देखील लिहिली आहे. ‘ब्लेस्ड बी द एव्हिल’ हा एक हॅारर चित्रपट असणार आहे.

या चित्रपटाची कथा एका ख्रिश्चन जोडप्यावर केंद्रित आहे. हे जोडपे गर्भपाताच्या आघाताचा सामना करत आयुष्याची नवी सुरूवात करण्याच्या शोधात आहे. परंतु यांनतर त्यांच्या आयुष्यात अनेक दृष्ट शक्ती येतात. याचा सामाना हे जोडपे कशा पद्धतीने करते अशी सर्वसाधारणपणे या चित्रपटाची आहे.

चित्रपटाचे दिग्दर्शक अनुराग यांनी आपले अनुभव शेअर करताना म्हटले की, ‘ग्रामीण भारतात जन्माला आल्यामुळे आणि बालपण घालवल्यामुळे मला अशा कथा सांगितल्या गेल्या ज्या माझ्या मनात आणि हृदयात घर करून गेल्या. या चित्रपटाची कथा मला आंतरराष्ट्रीय स्तरापर्यंत पोहचवायची असल्याचे अनुराग यांनी सांगितले.

मात्र, अभिनेत्री कंगना राणौतने अद्याप या प्रोजेक्टबद्दल कोणतीही प्रतिक्रिया दिलेली नाही. ‘इमर्जन्सी’ या चित्रपटात कंगणा शेवटची दिसली होती. या चित्रपटाद्वारे तिने दिग्दर्शनातही पदार्पण केले. दिवंगत पंतप्रधान इंदिरा गांधी यांची भूमिका कंगणाने या चित्रपटात साकारली होती.