Ashok Chavan : भाजपचे राज्यसभा खासदार आणि महाराष्ट्राचे माजी मुख्यमंत्री अशोक चव्हाण पुन्हा काँग्रेसमध्ये प्रवेश करणार असल्याच्या चर्चांना त्यांनी जोरदार प्रत्युत्तर दिले आहे. “मी काँग्रेसमध्ये परत येणार असल्याचे कुठे बोललो आहे? याचा एक तरी पुरावा दाखवा,” असा सवाल करत त्यांनी काँग्रेस नेते नाना पटोले यांच्यावर निशाणा साधला. त्यांच्या या प्रतिक्रियेमुळे महाराष्ट्राच्या राजकीय वर्तुळात चर्चांना उधाण आले आहे. (Ashok Chavan)

अशोक चव्हाण यांच्या घरवापसीची चर्चा

काँग्रेस सोडून इतर पक्षांत गेलेले देशातील पाच माजी मुख्यमंत्री पुन्हा काँग्रेसमध्ये परतणार असल्याची चर्चा राजकीय वर्तुळात सुरू झाली होती. या संभाव्य घरवापसीच्या चर्चेत अशोक चव्हाण यांच्या नावाचाही समावेश करण्यात आला. (Ashok Chavan)

या पार्श्वभूमीवर काँग्रेसचे ज्येष्ठ नेते नाना पटोले यांनी प्रतिक्रिया दिली होती. अशोक चव्हाण यांनी काँग्रेस सोडल्यामुळे राज्यातील काँग्रेस कार्यकर्त्यांमध्ये त्यांच्याबद्दल नाराजी असल्याचे पटोले म्हणाले होते. (Ashok Chavan)

बदलत्या राजकीय परिस्थितीत काही नेते पुन्हा काँग्रेसच्या मूळ प्रवाहात येण्यास उत्सुक असल्याचा दावाही त्यांनी केला. अशोक चव्हाण यांच्यासह इतर नेत्यांच्या संभाव्य प्रवेशाबाबत अंतिम निर्णय पक्षाचे वरिष्ठ नेतृत्व घेईल, असेही त्यांनी स्पष्ट केले. (Ashok Chavan)

‘नाना पटोले काय माझे मालक आहेत का?’

नाना पटोले यांच्या विधानानंतर अशोक चव्हाण यांनी संतप्त प्रतिक्रिया दिली. आपण काँग्रेसमध्ये परतणार असल्याचे कधीही म्हटले नसल्याचे सांगत त्यांनी या चर्चांचा पुरावा देण्याचे आव्हान दिले. “नाना पटोले काय माझे मालक आहेत का? मी घरवापसीबाबत कुठे बोललो आहे? याचा एक पुरावा दाखवा,” अशा शब्दांत त्यांनी आपली भूमिका मांडली. (Ashok Chavan)

नाना पटोले आणि अशोक चव्हाण यांच्यात पुन्हा शाब्दिक संघर्ष?

अशोक चव्हाण यांनी काँग्रेस सोडल्यानंतर नाना पटोले यांनी यापूर्वीही त्यांच्यावर टीका केली आहे. काँग्रेसने चव्हाण यांना महत्त्वाची पदे दिली असताना त्यांनी पक्ष सोडल्याबद्दल पटोले यांनी नाराजी व्यक्त केली होती. आता घरवापसीच्या चर्चांवरून दोन्ही नेत्यांची विधाने पुन्हा चर्चेत आली आहेत. (Ashok Chavan)

Ashok Chavan : नांदेड जिल्ह्यातील दोन तालुके दुष्काळ यादीतून वगळले; विरोधकांच्या टीकेला अशोक चव्हाणांचे प्रत्युत्तर