Maharashtra Politics : एकनाथ शिंदेंना जबर धक्का; ‘या’ बड्या नेत्याचा तडकाफडकी राजीनामा, राजकीय वर्तुळात खळबळ
Maharashtra Politics : महाराष्ट्रातील स्थानिक राजकारणात पक्षांतराचा सिलसिला अधिक गतिमान झाला असून जळगाव आणि ठाणे जिल्ह्यात दोन महत्त्वाचे राजकीय भूकंप पाहायला मिळाले आहेत.
Maharashtra Politics : महाराष्ट्रात पक्षांतराचे राजकारण सुरूच असून, आता जळगावमध्ये शिवसेना शिंदे गटाला मोठा धक्का बसला आहे. शिंदे गटाचे माजी संपर्कप्रमुख निलेश पाटील यांनी आपल्या समर्थकांसह उपमुख्यमंत्री सुनेत्रा पवार यांच्या नेतृत्वाखालील राष्ट्रवादी काँग्रेसमध्ये प्रवेश केला आहे. सहकार मंत्री बाबासाहेब पाटील, आमदार अनिल पाटील आणि स्थानिक नेत्यांच्या उपस्थितीत हा पक्षप्रवेश झाल्याची माहिती आहे. (Maharashtra Politics)
निलेश पाटील यांनी शिंदेसेनेची साथ का सोडली?
निलेश पाटील यांनी शिवसेना शिंदे गटातील अंतर्गत मतभेद आणि पक्षातील वागणुकीबाबत नाराजी व्यक्त केली होती. त्यांनी यापूर्वीच संपर्कप्रमुख पदाचा राजीनामा दिला होता. आता समर्थकांसह राष्ट्रवादी काँग्रेसमध्ये प्रवेश केल्याने जळगावच्या राजकारणात या घडामोडीची चर्चा सुरू झाली आहे. (Maharashtra Politics)
‘मंत्र्यांच्या आदेशानुसार बैठकीला बोलावलं जात नव्हतं’
शिवसेनेत असताना आपल्याला योग्य वागणूक मिळाली नाही आणि अन्याय झाला, असा आरोप निलेश पाटील यांनी मंत्री गुलाबराव पाटील यांच्याबाबत केला आहे. पक्षाच्या बैठकींसाठी आपल्याला बोलावले जात नव्हते, निरोप दिले जात नव्हते आणि महापालिका निवडणुकीत उमेदवारीपासून दूर ठेवण्यात आल्याची तक्रारही त्यांनी केली. (Maharashtra Politics)
टिटवाळ्यात ठाकरे गटाच्या पदाधिकाऱ्यांचा काँग्रेसमध्ये प्रवेश
दरम्यान, ठाणे जिल्ह्यातील मोहने-टिटवाळा परिसरात उद्धव ठाकरे यांच्या शिवसेनेतील अनेक पदाधिकारी आणि कार्यकर्त्यांनी काँग्रेसमध्ये प्रवेश केला. शनिवारी मुंबईतील टिळक भवन येथे महाराष्ट्र प्रदेश काँग्रेसचे अध्यक्ष हर्षवर्धन सपकाळ यांच्या उपस्थितीत हा पक्षप्रवेश झाला. कल्याण शहर जिल्हा काँग्रेस समितीचे अध्यक्ष ॲड. नवीन सिंह यांनी या प्रवेशासाठी पुढाकार घेतला होता. (Maharashtra Politics)
उद्धव ठाकरे गटाचे उपविभागप्रमुख नसरू शेख आणि ठाणे जिल्हा अल्पसंख्याक विभागाचे महासचिव असलम सोयान यांच्या नेतृत्वाखाली कार्यकर्ते काँग्रेसमध्ये दाखल झाले आहे. या पक्षप्रवेशामुळे कल्याण परिसरातील काँग्रेसची संघटनात्मक ताकद वाढेल, असा दावा पक्षाच्या स्थानिक नेतृत्वाने केला आहे. (Maharashtra Politics)
राज्यात पक्षांतरांच्या घडामोडींना वेग
जळगावमध्ये शिंदे गटाच्या माजी पदाधिकाऱ्यांचा राष्ट्रवादी काँग्रेसमध्ये प्रवेश आणि टिटवाळ्यात ठाकरे गटाच्या कार्यकर्त्यांचे काँग्रेसमध्ये पक्षांतर या दोन स्वतंत्र घडामोडींमुळे स्थानिक राजकारण पुन्हा चर्चेत आले आहे. (Maharashtra Politics)
