WI vs SL Aamir Jangoo Roston Chase 401 Partnership Record : वेस्टइंडीज आणि श्रीलंका यांच्यात खेळल्या जाणाऱ्या पहिल्या कसोटी सामन्यात क्रिकेट जगताला हादरवून टाकणारा एक महाविक्रम रचला गेला आहे. वेस्टइंडीजचा युवा फलंदाज आमिर जंगू आणि कर्णधार रोस्टन चेस यांनी कसोटी क्रिकेटच्या १४९ वर्षांच्या इतिहासात जे कधीही घडले नव्हते, तो पराक्रम करून दाखवला. या जोडीने श्रीलंकेच्या गोलंदाजांची पळता भुई थोडी करत सहाव्या विकेटसाठी तब्बल ४०१ धावांची ऐतिहासिक भागीदारी रचली आणि नवा जागतिक विक्रम आपल्या नावावर केला. यासह त्यांनी इंग्लंडच्या बेन स्टोक्स आणि जॉनी बेअरस्टोचा १० वर्षे जुना रेकॉर्ड मोडीत काढला.

स्टोक्स-बेअरस्टोचा तो विक्रम दोन धावांनी मोडला –

नॉर्थ साउंडच्या मैदानावर वेस्टइंडीजचा संघ एका वेळी अत्यंत अडचणीत सापडला होता. मात्र, त्यानंतर जंगू आणि चेस या जोडीने ६०२ चेंडूंचा सामना करत ४०१ धावा कुटल्या. कसोटी क्रिकेटच्या इतिहासात सहाव्या विकेटसाठी झालेली ही आतापर्यंतची सर्वात मोठी भागीदारी आहे. यापूर्वी हा विक्रम इंग्लंडच्या जॉनी बेअरस्टो आणि बेन स्टोक्स यांच्या नावावर होता. त्यांनी जानेवारी २०१६ मध्ये दक्षिण आफ्रिकेविरुद्ध केपटाऊन कसोटीत ३९९ धावा जोडल्या होत्या. जंगू आणि चेसने हा विक्रम २ धावांनी मागे टाकला.

Amir Jangoo 🤝 Roston Chase

A world record sixth-wicket partnership has put West Indies in control of the first Test against Sri Lanka 🌴#WIvSL #Cricket pic.twitter.com/nourog6KUT

— Wisden (@WisdenCricket) June 28, 2026

आमिर जंगूचे द्विशतक; ‘डब्लूटीसी’मध्ये रचला इतिहास –

Take a bow, Amir Jangoo and Roston Chase! 👏🔥

From 168/5 to 569/6, the duo staged a sensational rescue act, stitching together the highest sixth-wicket partnership in Test history and putting West Indies firmly in control against Sri Lanka. A record-breaking stand for the ages!… pic.twitter.com/HULkGwJLPx

— Sportskeeda (@Sportskeeda) June 28, 2026

आपला फक्त दुसरा कसोटी सामना खेळणाऱ्या आमिर जंगूने ३७३ चेंडूंत २३३ धावांची दमदार खेळी केली. तर दुसऱ्या बाजूने कर्णधार रोस्टन चेस १८४ धावांवर नाबाद राहिला. जंगूने या खेळीसह जागतिक कसोटी अजिंक्यपद स्पर्धेच्या (WTC) इतिहासात वेस्टइंडीजसाठी सर्वात मोठी वैयक्तिक धावसंख्या उभारण्याचा मान मिळवला आहे.

हेही वाचा – Vaibhav Sangakkara Stories : वैभवने १३ षटकार मारण्याचा दिला होता शब्द, अन् तब्बल इतके मारले; कुमार संगकाराने सांगितला भन्नाट किस्सा

वेस्टइंडीजच्या कसोटी इतिहासातील ही दुसरी सर्वात मोठी भागीदारी आहे. या यादीत १९५८ मध्ये पाकिस्तानविरुद्ध ४४६ धावांची भागीदारी करणारे कॉनराड हंटे आणि महान गॅरी सोबर्स पहिल्या क्रमांकावर आहेत. तसेच, श्रीलंकेविरुद्ध कोणत्याही विकेटसाठी झालेली ही दुसरी सर्वोच्च भागीदारी ठरली आहे. कसोटीतील सर्वोच्च भागीदारीचा विक्रम आजही कुमार संगकारा आणि महेला जयवर्धने यांच्या नावावर आहे, ज्यांनी २००६ मध्ये दक्षिण आफ्रिकेविरुद्ध ६२४ धावा ठोकल्या होत्या.