मुंबई – काही दिवसांपूर्वीपर्यंत, जगातील तिसऱ्या क्रमांकाचे श्रीमंत व्यक्ती असलेले गौतम अदानी यांचे वैयक्तिक आयुष्य फारच कमी चर्चेत राहिले आहे. अदानी आपल्या पत्नीला आपल्या जीवनाचा आधारस्तंभ म्हणतात. अदानी यांनी एका मुलाखतीत सांगितले होते की,’प्रीती अदानी यांनी त्यांच्या प्रगतीसाठी आपले करिअर पणाला लावले. यावेळी ते लग्नाबद्दलही बोलले की, जेव्हा ते प्रीतीला लग्नासाठी पहिल्यांदा भेटला तेव्हा ते खूप शांत होते.’

गौतम अदानी आणि प्रीती यांनी अरेंज मॅरेज केले होते. पहिल्या भेटीबाबत अदानी यांनी सांगितले होते की,’त्या खूप लाजाळू होते. अदानी म्हणाले होते, मी एक अशिक्षित माणूस आहे आणि  ती डॉक्टर असल्यामुळे  मिसमैच होत असे.’

मीडिया रिपोर्ट्सनुसार, दोघांचे लग्न वडिलांनी ठरवले होते. प्रीती यांचा जन्म मुंबईत झाला. त्यानंतर त्या अहमदाबादला आल्या. काही काळ ती आपल्या कुटुंबासह अमेरिकेतही राहिल्या आहे. प्रीती या अभ्यासात खूप हुशार होत्या. त्यांनी अहमदाबादच्या शासकीय दंत महाविद्यालय आणि रुग्णालयात वैद्यकीय शिक्षण घेतले. मात्र लग्नानंतर त्यांना करिअर सोडावे लागले. 1996 मध्ये लग्नानंतर त्या गौतम अदानी यांच्या NGO अदानी फाऊंडेशनच्या अध्यक्षा झाल्या.

60 व्या वाढदिवसानिमित्त त्यांनी पतीचा फोटो ट्विट करत लिहिले की, ’36 वर्षांहून अधिक काळ झाला आहे… मी माझे करिअर बाजूला ठेवले आणि गौतम अदानीसोबत एक नवीन प्रवास सुरू केला. आज जेव्हा मी मागे वळून पाहते तेव्हा मला त्यांच्याबद्दल अपार आदर आणि अभिमान वाटतो.’ एका मुलाखतीत प्रीती अदानी म्हणाल्या होत्या की, जेव्हा मी निराश होते तेव्हा गौतम अदानी मला प्रोत्साहन देत असे, आणि कोणत्याही समस्येतून बाहेर पडण्यासाठी उत्तम कल्पना देतात. दंतचिकित्सक बनून काही लोकांची सेवा करू शकेन, पण फाऊंडेशनमध्ये सहभागी होऊन लाखो लोकांची सेवा करू शकेन, हे लक्षात आल्यावर मी करिअर सोडले. असे त्यांनी सांगितले.

एवढं मोठं साम्राज्य उभारताना अदानींना त्यांच्या पत्नीची चांगली साथ लाभली आहे. ते सांगतात ‘प्रीती जी माझ्या अर्धास्तंभ आहेत आणि ती कुटुंबाची, दोन मुलांची, माझी नातवंडांचीही काळजी घेत आहे. ती फाउंडेशनचे (अदानी फाऊंडेशन) कामही सांभाळत आहे आणि नंतर ती डॉक्टर आहे. त्यांनी वैद्यकीय व्यवसाय सोडून त्याने मला पूर्ण पाठिंबा दिला. त्यांनी कुटुंबाची काळजी घेतली, मुलांचे संगोपन केले. आणि मुलं मोठी झाल्यावर त्यांनी फाउंडेशनची जबाबदारी घेतली.’