PM Kisan Yojana: देशातील कोट्यवधी शेतकऱ्यांसाठी केंद्र सरकारची प्रधानमंत्री किसान सन्मान निधी योजना (PM Kisan Yojana) ही महत्त्वाची योजना आहे. या योजनेअंतर्गत पात्र शेतकऱ्यांना वर्षभरात तीन टप्प्यांत प्रत्येकी २ हजार रुपये, म्हणजेच एकूण ६ हजार रुपयांची आर्थिक मदत थेट बँक खात्यात जमा केली जाते. आतापर्यंत या योजनेचे २३ हप्ते वितरित करण्यात आले असून आता शेतकरी २४व्या हप्त्याची आतुरतेने वाट पाहत आहेत.

सरकारकडून अद्याप २४व्या हप्त्याच्या वितरणाची अधिकृत तारीख जाहीर करण्यात आलेली नाही. मात्र, यापूर्वीच्या हप्त्यांचे वेळापत्रक पाहता हा हप्ता ऑक्टोबर महिन्यात शेतकऱ्यांच्या खात्यात जमा होण्याची शक्यता व्यक्त केली जात आहे.

हप्ते कसे दिले जातात?  (PM Kisan Yojana)

पीएम किसान योजनेअंतर्गत पात्र शेतकऱ्यांना वर्षातून तीन वेळा आर्थिक मदत दिली जाते. प्रत्येक हप्त्यात २ हजार रुपये थेट लाभार्थ्यांच्या बँक खात्यात जमा केले जातात. साधारणपणे प्रत्येक चार महिन्यांच्या अंतराने हप्ते वितरित करण्याची पद्धत सरकारने ठेवली आहे.

यापूर्वी २३वा हप्ता जून महिन्यात शेतकऱ्यांच्या खात्यात जमा करण्यात आला होता. त्यामुळे चार महिन्यांचा कालावधी पूर्ण झाल्यानंतर ऑक्टोबरमध्ये २४वा हप्ता वितरित होऊ शकतो, असा अंदाज व्यक्त केला जात आहे. मात्र, याबाबतची अंतिम घोषणा केंद्र सरकारकडूनच केली जाईल.

२४वा हप्ता कोणाला मिळणार?   (PM Kisan Yojana)

योजनेच्या सर्व अटी पूर्ण करणाऱ्या पात्र शेतकऱ्यांनाच २४व्या हप्त्याचा लाभ मिळेल. यासाठी काही महत्त्वाच्या प्रक्रिया पूर्ण करणे आवश्यक आहे. आवश्यक कागदपत्रे किंवा पडताळणी अपूर्ण असल्यास हप्ता अडकू शकतो.

हे तीन काम पूर्ण असणे आवश्यक

ई-केवायसी (e-KYC):

योजनेचा लाभ सुरू ठेवण्यासाठी ई-केवायसी पूर्ण करणे बंधनकारक आहे. ही प्रक्रिया ऑनलाइन किंवा जवळच्या कॉमन सर्व्हिस सेंटर (CSC) मध्ये जाऊन पूर्ण करता येते.

भू- पडताळणी (Land Verification):

लाभार्थी शेतकऱ्यांच्या जमिनीची पडताळणी पूर्ण झालेली असणे आवश्यक आहे. अनेक राज्यांमध्ये ही प्रक्रिया अनिवार्य करण्यात आली आहे.

आधार क्रमांक बँक खात्याशी जोडलेला असणे:

शेतकऱ्यांचा आधार क्रमांक त्यांच्या बँक खात्याशी लिंक असणे आवश्यक आहे. आधार लिंक नसल्यास किंवा खात्याची माहिती चुकीची असल्यास पैसे खात्यात जमा होण्यास अडचण येऊ शकते.

अधिकृत माहितीसाठी कुठे पाहाल?

२४व्या हप्त्याच्या तारखेबाबत सध्या कोणतीही अधिकृत घोषणा झालेली नाही. त्यामुळे अफवांवर विश्वास ठेवण्याऐवजी पीएम किसान योजनेच्या अधिकृत संकेतस्थळावरील माहितीच ग्राह्य धरावी. सरकारकडून तारीख जाहीर होताच त्याची माहिती संकेतस्थळावर उपलब्ध करून दिली जाईल.

शेतकऱ्यांनी काय करावे?

ज्या शेतकऱ्यांनी अद्याप ई-केवायसी, भू-सत्यापन किंवा आधार लिंकिंगची प्रक्रिया पूर्ण केलेली नाही, त्यांनी ती लवकरात लवकर पूर्ण करावी. तसेच आपल्या अर्जातील नाव, बँक खाते क्रमांक आणि इतर माहिती योग्य आहे का, याचीही खात्री करून घ्यावी. त्यामुळे २४वा हप्ता कोणत्याही अडथळ्याशिवाय थेट बँक खात्यात जमा होण्यास मदत होईल.