मुंबई : राज्यातील विधानसभा निवडणुका पार पडल्या. या निवडणुकीत महायुतीला बहुमत मिळाले. लाडकी बहीण योजना महायुती सरकारसाठी गेमचेंजर ठरली. राज्यात सध्या महायुतीचे सरकार स्थापन झाले आहे. या सगळ्याबरोबर आता लाडक्या बहीण योजनेत महिलांना किती पैसे मिळणार तसेच निकष लावून पैसे दिले जाणार का ? अशी चर्चा सुरु आहे. तसेच लाडक्या बहीण योजनेचा डिसेंबरचा हप्ता कधी येणार? याकडेदेखील सगळ्यांचे लक्ष लागले आहे. यासंदर्भात उपमुख्यमंत्री एकनाथ शिदे यांचे कॅबिनेट मंत्री उदय सामंत यांनी महत्वाची माहिती दिली आहे.

काय म्हणाले उदय सामंत ?
नागपुरात सुरु असलेल्या विधिमंडळाच्या हिवाळी अधिवेशनात कॅबिनेट मंत्री उदय सामंत यांनी लाडक्या बहीण योजेनेतील डिसेंबरच्या हप्त्याबाबत माहिती दिली. ते म्हणाले की, सोमवारीच पुरवणी यादीमध्ये 1400 कोटी रुपयांची तरतूद केली आहे. त्यामुळे लवकरात लवकर माझ्या लाडक्या बहीणींच्या खात्यात पैसे जमा होणार आहेत.

1400 कोटी रुपयांचा निधी
मुख्यमंत्री देवेंद्र फडणवीस यांनी लाडक्या बहीण योजनेसाठी 1400 कोटी रुपयांच्या अतिरिक्त निधीची तरतूद केली आहे. अर्थसंकल्पीय अधिवेशनात लाडक्या बहिणींना दिली जाणारी 1500 रुपयांची रक्कम 2100 रुपये इतकी केली आहे. हिवाळी अधिवेशनात लाडकी बहीण योजनेबाबत घेतला गेलेला हा सर्वात मोठा निर्णय आहे. जो अधिवेशनाच्या पहिल्याच दिवशी घेण्यात आला आहे.