Union Budget 2026 : केंद्रीय अर्थसंकल्पात महाराष्ट्राच्या पदरात काय पडले? CM फडणवीस थेट म्हणाले….

Union Budget 2026 : केंद्रीय अर्थमंत्री निर्मला सीतारमण यांनी सादर केलेला केंद्रीय अर्थसंकल्प हा ‘विकसित भारत’ या संकल्पनेकडे नेणारा मजबूत टप्पा असल्याची प्रतिक्रिया मुख्यमंत्री देवेंद्र फडणवीस यांनी दिली आहे. पत्रकार परिषदेत त्यांनी सांगितले की, या अर्थसंकल्पाचा मोठा फायदा महाराष्ट्राला होणार असून गुंतवणूक, रोजगारनिर्मिती आणि पायाभूत सुविधा विकासावर विशेष भर देण्यात आला आहे.

पहिल्यांदाच ५ लाखांहून अधिक लोकसंख्या असलेल्या शहरांसाठी एकात्मिक विकासाचा विचार करण्यात आला असून, त्यामुळे महाराष्ट्रातील महानगरांना मोठा लाभ होईल, असे फडणवीस म्हणाले.

केंद्र सरकारकडून पायाभूत सुविधांसाठी १२ लाख कोटी रुपयांची गुंतवणूक करण्यात येणार आहे. शेती, पशुपालन, मत्स्य व्यवसाय आणि सिंचन क्षेत्रासाठी भरीव तरतुदी करण्यात आल्या आहेत. तसेच प्रत्येक जिल्ह्यात महिलांसाठी वसतिगृह आणि जिल्हा रुग्णालयांत कॅज्युअल्टी व ट्रॉमा सेंटर उभारण्यात येणार असल्याचे त्यांनी स्पष्ट केले.

Union Budget 2026 :

एमएमआर, पुणे आणि नागपूर हे तीन ग्रोथ हब नीती आयोगाच्या माध्यमातून विकसित करण्यात येणार असून, प्रत्येक ग्रोथ हबसाठी पुढील ५ वर्षांत ५ हजार कोटी रुपयांचा निधी दिला जाणार आहे.