World Championship of Legends 2024 : बर्मिंगहॅम येथे सुरू असलेल्या वर्ल्ड चॅम्पियनशिप ऑफ लिजेंड्समध्ये जागतिक क्रिकेटचे मोठे दिग्गज खेळत आहेत. 3 जुलैपासून सुरू झालेली ही स्पर्धा आता अंतिम टप्प्यात आली आहे. भारत, पाकिस्तान, ऑस्ट्रेलिया आणि वेस्ट इंडिज या संघांनी या चॅम्पियनशिपच्या उपांत्य फेरीत प्रवेश केला आहे. येथे जाणून घ्या कोण कोणासोबत आणि कधी भिडणार…

वर्ल्ड चॅम्पियनशिप ऑफ लिजेंड्समध्ये एकूण सहा संघ सहभागी झाले होते. इंग्लंड आणि दक्षिण आफ्रिकेचे संघ स्पर्धेतून बाहेर पडले आहेत. आंतरराष्ट्रीय क्रिकेटमधून निवृत्त झालेले खेळाडू या लीगमध्ये खेळत आहेत. इंडिया चॅम्पियन्सचे नेतृत्व युवराज सिंग करत आहे. तर ऑस्ट्रेलिया चॅम्पियन्सचे कर्णधारपद आरोन फिंचकडे आहे. याशिवाय पाकिस्तान चॅम्पियन्सचे नेतृत्व युनूस खान करत आहे. तर वेस्ट इंडिज चॅम्पियन्सची कमान डॅरेन सॅमीच्या हाती आहे.

वर्ल्ड चॅम्पियनशिप ऑफ लिजेंड्सचा पहिला सेमीफायनल सामना पाकिस्तान चॅम्पियन्स आणि वेस्ट इंडिज चॅम्पियन्स यांच्यात शुक्रवारी, 12 जुलै रोजी खेळला जाईल. भारतीय वेळेनुसार हा सामना सायंकाळी 5 वाजता सुरू होईल. नॉर्थम्प्टन येथील काऊंटी मैदानावर हा सामना होणार आहे. वर्ल्ड चॅम्पियनशिप ऑफ लिजेंड्सचा दुसरा सेमीफायनल सामना ऑस्ट्रेलिया चॅम्पियन्स आणि इंडिया चॅम्पियन्स यांच्यात होणार आहे. हा सामना शुक्रवारी 12 जुलै रोजी होणार आहे. भारतीय वेळेनुसार रात्री 9 वाजता हा सामना सुरू होईल. हा सामना देखील नॉर्थम्प्टन येथील काऊंटी मैदानावर खेळवला जाईल.

BCCI Prize Money : राहुल द्रविडने नाकारले बक्षिसाच्या रकमेतील 2.5 कोटी रूपये..! कारण, वाचून तुम्हीही म्हणाल ‘हाच’ खरा जेंटलमॅन…!

दिग्गज खेळाडू आहेत या लीगचा भाग…

या लीगमध्ये जागतिक क्रिकेटमधील अनेक मोठे खेळाडू खेळत आहेत. भारतीय चॅम्पियन्स संघात युवराज सिंग, इरफान पठाण, सुरेश रैना, हरभजन सिंग, रॉबिन उथप्पा आणि अंबाती रायडूसारखे खेळाडू आहेत. पाकिस्तान चॅम्पियन्समध्ये शाहिद आफ्रिदी, युनूस खान, मिसबाह उल हक, कामराम अकमल, शोएब मलिक आणि वहाब रियाझसारखे दिग्गज आहेत. वेस्ट इंडिज चॅम्पियन्समध्ये डॅरेन सॅमी, ख्रिस गेल, ड्वेन स्मिथ, ॲशले नर्स आणि जेरोम टेलरसारखे दिग्गज आहेत. याशिवाय ऑस्ट्रेलिया चॅम्पियन्समध्ये ॲरॉन फिंच, शॉन मार्श, टीम पेन, ब्रॅड हॅडिन, पीटर सिडल आणि ब्रेट लीसारखे स्टार खेळाडू आहेत.