INDIA-PAKISTAN: भारत आणि पाकिस्तान या दोन्ही देशांतील १०० हून अधिक प्रमुख व्यक्तींनी पंतप्रधान नरेंद्र मोदी आणि पाकचे पंतप्रधान शाहबाज शरीफ यांना एक पत्र लिहिले आहे. या पत्राद्वारे त्यांनी भारत आणि पाकिस्तानमधील संबंध पुन्हा सुरू करण्याचे आवाहन केले आहे.

 दोन्ही देशांमधील तणाव संपवण्याची आणि व्हिसा सेवा पुन्हा सुरू करण्याची मागणी या पत्राद्वारे करण्यात आली आहे. त्यांनी हवाई हद्द पुन्हा उघडण्याची मागणीही केली आहे. या पत्रावर फारुख अब्दुल्ला आणि मनोज झा यांच्यासह ११७ व्यक्तींनी स्वाक्षरी केली आहे.

सेंटर फॉर पीस अँड प्रोग्रेसने पंतप्रधान नरेंद्र मोदी आणि शाहबाज शरीफ यांना एक खुले पत्र लिहून भारत आणि पाकिस्तानमध्ये संरचित संवाद, संपूर्ण राजनैतिक संबंधांची पुनर्स्थापना आणि दोन्ही देशांतील लोकांमधील संपर्क पुन्हा सुरू करण्याची मागणी केली आहे. त्यांनी धार्मिक आणि सांस्कृतिक देवाणघेवाण वाढवण्याचे आवाहनही केले आहे.

भारताच्या वतीने कोणी स्वाक्षरी केली? INDIA-PAKISTAN:

भारताच्या वतीने लिहिलेल्या पत्रावर फारुख अब्दुल्ला, मीरवाईज उमर फारुख, मेहबूबा मुफ्ती, मनोज झा आणि हुमायून कबीर यांच्यासह ६१ जणांनी स्वाक्षरी केली आहे. या नेत्यांनी डिजिटल पद्धतीने पत्रावर स्वाक्षरी केली आहे.

या व्यक्तींनी पाकिस्तानच्या वतीने स्वाक्षरी केली

या मोहिमेअंतर्गत पाकिस्तानमधील छप्पन्न प्रमुख व्यक्तींनी एका खुल्या पत्रावर स्वाक्षरी केली आहे. स्वाक्षरी करणाऱ्यांमध्ये माजी परराष्ट्र मंत्री खुर्शीद महमूद कसुरी, माजी राजनयिक अश्रफ जहांगीर काझी, राष्ट्रीय सभेचे सदस्य इस्फान्यार भंडारा आणि अणुशास्त्रज्ञ परवेझ हुडभॉय यांचा समावेश आहे.

भारत-पाकिस्तान सरकारांच्या मागण्या काय आहेत? INDIA-PAKISTAN: 

* दोन्ही देशांमधील सध्याचा तणाव संपवून संवाद पुन्हा सुरू करावा.
 * दिल्ली आणि इस्लामाबादमधील उच्चायुक्तांच्या पुनर्नियुक्तीची मागणी करावी.
* भारत आणि पाकिस्तान दरम्यान व्हिसा सेवा सामान्य करावी.
* दोन्ही देशांमधील हवाई हद्द पुन्हा सुरू करावी.
*  धार्मिक आणि सांस्कृतिक देवाणघेवाणीला प्रोत्साहन द्यावे.
*  जम्मू आणि काश्मीरवरील संवाद पुन्हा सुरू करावा.
* २००४ आणि २००७ ची सर्वसमावेशक संवाद प्रक्रिया पुढे न्यावी.