Wayanad Election । झारखंड ८१ सदस्यीय  विधानसभेच्या पहिल्या टप्प्यात आज ४३ जागांवर मतदान होत आहे. यासोबतच 11 राज्यांतील 33 विधानसभा आणि नांदेड आणि वायनाडच्या लोकसभेच्या जागांवर पोटनिवडणूक पार पडत आहे. दरम्यान, वायनाडच्या पोटनिवडणुकीत काँग्रेस नेते राहुल गांधी यांनी त्यांच्या ट्विटर अकाऊंटवर वायनाड पोटनिवडणुकीसंदर्भात महत्त्वपूर्ण संदेश दिला आहे.

राहुल गांधी यांनी वायनाडच्या जनतेला त्यांची बहीण प्रियंका गांधी यांना मतदान करण्याचे आवाहन केले आहे. त्यांनी ट्विट करून प्रियांका गांधी या निवडणुकीत पूर्णपणे तयार आहेत आणि त्या वायनाडचा आवाज बनून संसदेत तुमच्या हक्कांसाठी लढणार असल्याचे म्हटले आहे.

I’m reaching out to my family in Wayanad—this election, my sister Priyanka Gandhi is ready to be your voice in Parliament.

She will be more than just a representative—she will be your sister, your daughter, and your advocate. I am confident she will help unlock Wayanad’s full…

— Rahul Gandhi (@RahulGandhi) November 13, 2024

राहुल गांधींनी आपल्या ट्विटमध्ये प्रियांका गांधींची भूमिका स्पष्ट केली. ते म्हणाले की, “प्रियांका गांधी केवळ प्रतिनिधी म्हणून काम करणार नाहीत तर त्या वायनाडच्या लोकांसाठी बहीण, मुलगी आणि वकील म्हणून काम करणार आहेत. वायनाडच्या विकासात प्रियंका गांधी महत्त्वाची भूमिका बजावतील आणि त्या प्रदेशाची पूर्ण क्षमता वापरतील, असा त्यांचा विश्वास आहे.”

राहुल गांधींनी मतदान करण्याचे केले आवाहन  Wayanad Election ।
राहुल गांधींनी आपल्या संदेशात वायनाडच्या जनतेला या निवडणुकीत प्रियंका गांधींना पाठिंबा देण्याचे आणि मतदानात सहभागी होण्याचे आवाहन केले. ते म्हणाले, “आपण एकत्र येऊ आणि प्रियंका गांधी यांचा विजय निश्चित करू. ही निवडणूक वायनाडच्या विकासासाठी आणि लोकांच्या हक्कांसाठी विशेष आहे. मी तुम्हाला तुमचे मत द्या आणि या ऐतिहासिक बदलाचा एक भाग व्हा असे आवाहन करतो.”

प्रियंका गांधी यांच्या विजयाने वायनाडचे भविष्य उज्ज्वल होईल Wayanad Election ।
राहुल गांधी यांनी प्रियंका गांधी यांच्या नेतृत्वाखाली वायनाडसाठी उज्ज्वल भविष्याची आशा व्यक्त केली आहे. ते म्हणतात की प्रियंका गांधी यांच्या संसदेत उपस्थिती वायनाडच्या लोकांना अधिक शक्ती आणि संधी देईल. प्रियांका गांधी त्यांच्या कृती आणि वृत्तीने वायनाडमध्ये सकारात्मक बदल घडवून आणण्यास सक्षम आहेत, असेही ते म्हणाले. राहुल गांधींच्या या ट्विटने वायनाडच्या आगामी पोटनिवडणुकीसाठी राजकीय संदेश दिला आहे. प्रियंका गांधी यांच्या उमेदवारीमुळे ही निवडणूक आणखी महत्त्वाची ठरली आहे आणि आता वायनाडचे लोक त्यांच्या उमेदवारीसाठी कोणाची निवड करतात हे पाहायचे आहे.