कान्हे – इंद्रायणी नदीतील पाण्याची उपलब्धता कमी झाल्याने कान्हे-नायगाव गावातील पाणीपुरवठ्याचे नियोजन बदलण्यात आले आहे. आजपासून (दि. २५) गावात एक दिवसाआड पाणीपुरवठा करण्यात येणार आहे. याबाबतची माहिती ग्रामपंचायतीने दिली आहे.
नदीतील पाण्याची उपलब्धता मर्यादित झाल्याच्या पार्श्वभूमीवर हा निर्णय घेण्यात आला आहे.

नदीत मुबलक प्रमाणात पाणी उपलब्ध होईपर्यंत दिवसाआड पाणीपुरवठ्याचे नियोजन कायम राहणार आहे. त्यामुळे ग्रामस्थांना उपलब्ध पाण्याचा वापर जपून आणि नियोजनपूर्वक करावा लागणार आहे. पाणी ही मौल्यवान नैसर्गिक संपत्ती असून, उपलब्ध पाण्याचा प्रत्येक थेंब जपणे आवश्यक आहे. नागरिकांनी पाण्याचा काटकसरीने वापर करावा.

अनावश्यक पाणी वापरणे टाळावे तसेच पाण्याचा अपव्यय होणार नाही, याची दक्षता घ्यावी, असे आवाहन कान्हे-नायगाव ग्रामपंचायतीच्या वतीने करण्यात आले आहे. पाणीपुरवठ्याच्या बदललेल्या नियोजनाची ग्रामस्थांनी नोंद घ्यावी आणि पाणी बचतीसाठी ग्रामपंचायतीला सहकार्य करावे, असेही आवाहन करण्यात आले आहे.

Cyber Fraud: सणासुदीच्या खरेदीत सायबर भामट्यांचे नवे डाव; ऑनलाइन खरेदीत सापळा