Dubai Airport : अमेरिका आणि इस्रायलने संयुक्तपणे इराणवर केलेल्या हलाई हल्ल्यामुळे जगभरात मोठी खळबळ उडाली आहे. या युद्धजन्य परिस्थितीचा मोठा फटका भारतीयांना बसला आहे. हवाई हल्लासाठी इराणची राजधानी तेहरान हिला लक्ष्य करण्यात आले आहे. या युद्धाची झळ आता दुबईला देखील बसत आहे. दुबईवर क्षेपाणास्त्र डागल्यामुळे परिस्थिती आणखी झटिल बनली आहे. वाढत्या तणावामुळे विमानांची उड्डाणे रद्द करण्यात आली आहेत. अशातच दुबईमध्ये अनेक भारतीय नागरिक अडकून पडल्याच्या बातम्या समोर येत आहेत. यासंबंधीच्या पोस्ट आणि व्हिडिओ सोशल मीडियावर व्हायरल होत आहेत. पुण्यातील पिंपरी-चिंचवडमधील इंदिरा कॉलेजचे ८४ भारतीय दुबईत अडकून पडले आहेत. यामध्ये ८० विद्धार्थी आणि ४ शिक्षकांचा समावेश आहे. हे सर्वजण सुरक्षित असल्याची माहिती सरकारकडून देण्यात आला आहे. या विद्यार्थ्यांना सुरक्षितपणे मायदेशी परत आणण्यासाठी हालचाली सुरू आहेत. दुबईतील भारतीय दूतावास आणि भारताच्या परराष्ट्र मंत्रालयाशी बोलणी केली जात आहे. हे सर्व विद्यार्थी “स्टडी व्हिसिट” साठी दुबईमध्ये येथे गेले होते. पण अचानक युद्धजन्य परिस्थिती निर्माण झाली. त्यामुळे हे सर्वजण अडकून पडले आहेत. नागरी विमान वाहतूक मंत्रालयाकडून सुद्धा विद्यार्थ्यांना परत आणण्यासाठी प्रयत्न सुरू आहेत. इराणवर होत असलेल्या हवाई हल्ल्याच्या पार्श्वभूमीवर पुण्यातून दुबईला जाणारी चार विमाने रद्द करण्यात आली आहेत. युद्धजन्य परिस्थिती संपल्यानंतर पुढील तारखेचे पर्यायी उड्डाण प्रवाशांना दिले जातील असे सांगण्यात आले आहे. हेही वाचा : Nagpur SBL Company Blast : नागपुरात स्फोटक बनवणाऱ्या कंपनीत भीषण स्फोट; 15 जणांचा मृत्यू
