Solapur Accident :  सोलापूर जिल्ह्यातील माळशिरस तालुक्यात घडलेल्या भीषण अपघातात पिकअप वाहन विहिरीत कोसळून 8 भाविकांचा मृत्यू झाला आहे. या दुर्घटनेत सहा महिन्यांच्या चिमुकल्याचाही दुर्दैवी मृत्यू झाला आहे.

अपघातात यात सात सहा जणांना सुखरूप बाहेर काढण्यात आले असून त्यांच्यावर उपचार सुरू आहेत. या घटनेनंतर राज्यभरातून हळहळ व्यक्त केली जात आहे. या घटनेवर मुख्यमंत्री दवेंद्र फडणवीस यांनी शोक व्यक्त केला आहे.

तसेच या घटनेतील मृतांच्या वारसांना राज्य सरकारकडून 5 लाख रुपयांची आर्थिक मदत देण्याची गोषणा देखील मुख्यमंत्र्यांनी केली आहे. “सोलापूर जिल्ह्यातील माळशिरस तालुक्यातील तांदळवाडी येथे एक वाहन खाजगी शेतातील विहिरीत पडल्याने झालेल्या अपघातात काही भाविकांचा मृत्यू झाल्याची घटना अतिशय दुर्दैवी आणि दुःखद आहे.  Solapur Accident

मी त्यांना भावपूर्ण श्रद्धांजली अर्पण करतो. त्यांच्या कुटुंबियांच्या दुःखात आम्ही सहभागी आहोत,” असे मुख्यमंत्री फडणवीस यांनी ट्वीट करत म्हंटले आहे.

सोलापूर जिल्ह्यातील माळशिरस तालुक्यातील तांदळवाडी येथे एक वाहन खाजगी शेतातील विहिरीत पडल्याने झालेल्या अपघातात काही भाविकांचा मृत्यू झाल्याची घटना अतिशय दुर्दैवी आणि दुःखद आहे. मी त्यांना भावपूर्ण श्रद्धांजली अर्पण करतो. त्यांच्या कुटुंबियांच्या दुःखात आम्ही सहभागी आहोत.
सुदैवाने…

— Devendra Fadnavis (@Dev_Fadnavis) June 14, 2026

पुढे ते म्हणाले, “सुदैवाने 7 जणांचे प्राण वाचविण्यात यश आले आहे. त्यांच्यावर उपचार केले जात आहेत. जिल्हाधिकारी आणि पोलिस अधीक्षक दोघेही तातडीने घटनास्थळी रवाना झाले आहेत आणि स्थानिक प्रशासनाशी आम्ही सातत्याने संपर्कात आहोत. या घटनेतील मृतांच्या वारसांना 5 लाख रुपये आर्थिक मदत राज्य सरकारकडून देण्यात येईल.”

नेमकं काय घडलं?
माळशिरस तालुक्यातील तांदूळवाडी गावाजवळ म्हसवड–पंढरपूर मार्गावर प्रवास करणारे पिकअप वाहन चालकाचे वाहनावरील नियंत्रण सुटल्याने थेट विहिरीत कोसळून भीषण अपघात झाला.

या पिकअपमध्ये लहान मुलांसह एकूण 14 प्रवासी स्वार होते. यातील 8 जणांचा मृत्यू झाला आहे. या वाहनातील सर्व प्रवासी पंढरपूर तालुक्यातील रांजणी गावचे रहिवासी होते. ते म्हसवड येथील सिद्धनाथ देवस्थानाच्या दर्शनासाठी गेले होते. दर्शन आटोपून गावाकडे परत येत असताना तांदूळवाडी परिसरात हा दुर्दैवी अपघात घडला. Solapur Accident

मृतांची नावे
इंदुबाई दशरथ बावचे (वय 60)
पूजा अमोल सातोरे (वय 23)
पूजा बालाजी बावचे (वय 27)
अश्विनी संदीप बावचे (वय 27)
संस्कार संदीप बावचे (वय 14)
संस्कृती संदीप बावचे (वय 14)
आरव अमोल सातोरे (वय 8)
समर्थ बालाजी बावचे (वय 6 महिने)

हेही वाचा:  

Smart Meter: महावितरणचा थेट मोबाईलवर मेसेज; ४८ तासांच्या ‘या’ अल्टिमेटममुळे शहरात संतापाचा भडका