Volodymyr Zelenskyy : रशिया आणि युक्रेनमध्ये ऊर्जाविषयक युद्धबंदी लागू झाल्याची घोषणा अमेरिकेचे अध्यक्ष ट्रम्प यांनी केल्यानंतरही रशियाकडून युक्रेनमधील ऊर्जाविषयक पायाभूत सुविधांवर हल्ले केले जात आहेत, याकडे युक्रेनचे अध्यक्ष झेलेन्स्की (Volodymyr Zelenskyy) यांनी लक्ष वेधले आहे.

युक्रेनच्या सैन्याने युक्रेनचा पॉवर ग्रीडसह तेल आणि गॅसशी संबंधित ठिकाणांवर सलग तिसऱ्या रात्री हल्ला केल्याचे झेलेन्स्की यांनी म्हटले आहे. रशियाच्या तेल शुद्धिकरण प्रकल्पांवर महिन्याभरासाठी हल्ले थांबवण्याचे झेलेन्स्की (Volodymyr Zelenskyy) यांनी मान्य केले आहे. युक्रेनच्या अशा हल्ल्यांमुळे रशियामध्ये इंधनाचा तुटवडा जाणवू लागला आहे. मात्र रशियाने ऊर्जा युद्धबंदीवर स्वाक्षरी केल्याचे मान्य केलेले नाही.

कीव्हमधील ३, कीव्हच्या परिसरातील आणि इशान्य खारकीव्हमधील अशा एकूण ६ ऊर्जाविषय प्रकल्पांवर रशियाने रात्रभरातून हल्ले केले. रशियाने एकूण ३९ बॅलिस्टिक क्षेपणास्त्रे आणि १२० हून अधिक ड्रोन डागले. यामुळे तब्बल ६ लाख लोकांचा वीजपुरवठा खंडीत झाल्याचे झेलेन्स्की यांनी म्हटले आहे.

अमेरिकेच्या गुप्तचरांची मदत आणि स्टारलिंकच्या उपग्रहाद्वारे मिळणारी मदत थांबवली जाण्याचा धोका झेलेन्स्की यांनी व्यक्त केला आहे. रशियाच्या हवाई हल्ल्यांची पूर्वसूचना युक्रेनला स्टारलिंकच्या उपग्रह प्रणालीद्वारे मिळते आहे. ही मदत थांबल्यास रशियाचे हल्ले अधिक घातक ठरतील, असे झेलेन्स्की (Volodymyr Zelenskyy) यांचे म्हणणे आहे.

२२७ चौरस किलोमीटरचा भूभाग स्वतंत्र
रशियाच्या सैन्याला मागे ढकलून २२७ चौरस किलोमीटरचा भूभाग स्वतंत्र केल्याचा दावा युक्रेनने केला आहे. मात्र त्या दाव्याची पडताळणी केली जाऊ शकली नाही आणि रशियाकडून त्यावर काहीही प्रतिक्रियाही दिली गेलेली नाही. त्याचवेळी अमेरिकेने रशियाकडून डीझेल खरेदी करण्याच्या निर्णयावर युक्रेनने टीका केली आहे. या व्यवहारातून रशियाला मिळणाऱ्या महसुलामुळे युक्रेनविरुद्धच्या युद्धाला मदतच होईल, असा आरोप युक्रेनने (Volodymyr Zelenskyy) केला आहे.