Pune News : विश्‍वकर्मा युनिव्हर्सिटी, पुणे यांना ११व्या फिक्की उच्च शिक्षण उत्कृष्टता पुरस्कार २०२५ दरम्यान “सर्वोत्तम संस्था – एक्सलन्स इन ग्लोबलायझेशन” या पुरस्काराने सन्मानित करण्यात आले. नवी दिल्ली येथे झालेल्या या सोहळ्यात, आंतरराष्ट्रीय सहयोग, जागतिक शैक्षणिक सहभाग आणि शैक्षणिक विस्तार यामधील विद्यापीठाच्या उल्लेखनीय कामगिरीच्या गौरवार्थ हा पुरस्कार प्रदान करण्यात आला.

हा पुरस्कार केंद्रीय रस्ते वाहतूक व महामार्ग मंत्री नितीन गडकरी यांच्या हस्ते प्रदान करण्यात आला. विश्‍वकर्मा युनिव्हर्सिटीला कडक दोन टप्प्यांच्या मूल्यांकनातून निवडण्यात आले, ज्यामध्ये विद्यापीठाने ग्लोबलायझेशनसाठी केलेल्या महत्त्वाच्या उपक्रमांमुळे भारतातील इतर अनेक प्रतिष्ठित संस्थांना मागे टाकले. हा पुरस्कार विश्‍वकर्मा ग्रुपचे अध्यक्ष भरत अग्रवाल, कुलगुरू मुकुंद कुलकर्णी, अशुतोष कुलकर्णी, संजेश पावले आणि व्हीयू नेतृत्व टीम यांनी स्वीकारला.

जागतिक शैक्षणिक उत्कृष्टतेसाठी कटिबद्ध :

– विद्यापीठाने आशिया, युरोप, आफ्रिका आणि उत्तर अमेरिका खंडांतील तेरा हून अधिक विद्यापीठांशी शैक्षणिक सहकार्य स्थापित केले आहे.

– विश्‍वकर्मा युनिव्हर्सिटी, पुणे स्टुडंट अ‍ॅण्ड फॅकल्टी एक्सचेंज प्रोग्राम्स, संशोधन सहकार्य आणि इंटर्नशिप्सद्वारे आंतरराष्ट्रीय स्तरावर सक्रिय आहे.

– विद्यापीठात कॅम्पसवर ग्लोबल युनिव्हर्सिटी सेंटर्सही स्थापन करण्यात आले असून, त्याद्वारे आंतरसंस्कृतीय शिक्षण आणि जागतिक सहभागाला प्रोत्साहन दिले जाते.

– दहा पेक्षा अधिक देशांतील विद्यार्थी विश्‍वकर्मा युनिव्हर्सिटी, पुणे येथे शिक्षण घेत आहेत.

पुरस्काराबद्दल बोलताना विश्‍वकर्मा ग्रुपचे अध्यक्ष भरत अग्रवाल म्हणाले, “स्थापनेपासूनच विश्‍वकर्मा युनिव्हर्सिटी, पुणे यांनी विद्यार्थ्यांचे आणि प्राध्यापकांचे क्षितिज विस्तारण्यासाठी आंतरराष्ट्रीय सहयोगाची संस्कृती जोपासली आहे. अधिकाधिक जागतिकीकरण होत असलेल्या जगात आवश्यक ज्ञान आणि कौशल्यांची गरज पूर्ण करण्यासाठी आम्ही सतत नामांकित जागतिक विद्यापीठांशी भागीदारी करण्याचा आणि ती विकसित करण्याचा प्रयत्न करत आहोत. याचेच उदाहरण म्हणजे विश्‍वकर्मा युनिव्हर्सिटी, पुणे हे सतत आंतरराष्ट्रीय क्रमवारीत स्थान मिळवत असून भारतातील सर्वात तरुण जागतिक विद्यापीठ म्हणून वेगाने पुढे येत आहे.”

फिक्की उच्च शिक्षण उत्कृष्टता पुरस्कार :

फिक्की उच्च शिक्षण उत्कृष्टता पुरस्कार भारतीय संस्थांना ओळख देतात जे उच्च शिक्षणातील नाविन्य, आंतरराष्ट्रीय सहयोग, शैक्षणिक नेतृत्व आणि विद्यार्थी निकालांमध्ये उत्कृष्ट कामगिरी करतात. “एक्सलन्स इन ग्लोबलायझेशन” श्रेणीत अशा संस्थांचा गौरव केला जातो ज्या त्यांच्या शिक्षण, संशोधन आणि संस्थात्मक धोरणांमध्ये जागतिक दृष्टिकोन यशस्वीरीत्या समाविष्ट करतात.