Visa Holder।  अमेरिकेत राहणाऱ्या ५.५ कोटींहून अधिक वैध परदेशी नागरिकांच्या व्हिसाची फेर तपासणी केली जाणार आहे. त्यामुळे आता या सर्वांवर टांगती तलवार लटकली असल्याचे दिसत आहे. अमेरिकेच्या परराष्ट्र विभागाने याविषयी माहिती दिली आहे., त्यानुसार,”इमिग्रेशन नियमांचे उल्लंघन करणाऱ्या परदेशी नागरिकांचे व्हिसा रद्द करता यावेत यासाठी हे केले जात आहे.” असे सांगण्यात आले आहे.

परराष्ट्र विभागाच्या मते, सर्व अमेरिकन व्हिसा धारकांची सतत चौकशी केली जाते. नियमांचे उल्लंघन केल्याचे आढळल्यास त्यांचा व्हिसा रद्द केला जाईल आणि त्यांना त्यांच्या देशात परत पाठवले जाईल असेही सांगण्यात आले आहे.

व्हिसा धारक जेव्हा निर्धारित मर्यादेपेक्षा जास्त काळ अमेरिकेत राहतात, सार्वजनिक सुरक्षेला धोका निर्माण करतात, गुन्हेगारी किंवा दहशतवादी कारवायांमध्ये सहभागी असतात किंवा कोणत्याही दहशतवादी संघटनेला मदत करत असल्याचे आढळतात तेव्हा त्यांना अपात्र मानले जाते.

व्हिसा नियम केले आणखी कडक  Visa Holder। 

अध्यक्ष डोनाल्ड ट्रम्प यांनी जानेवारीमध्ये शपथ घेतली. तेव्हापासून, ट्रम्प प्रशासनाचे लक्ष अमेरिकेत बेकायदेशीरपणे राहणाऱ्या स्थलांतरित, विद्यार्थी आणि अभ्यागत विनिमय व्हिसा धारकांना हद्दपार करण्यावर आहे. व्हिसा धारकांची ही पुनरावलोकन प्रक्रिया दीर्घकाळ सुरू राहील. ट्रम्प प्रशासन व्हिसा अर्जदारांवर सतत निर्बंध लादत आहे. यामध्ये सर्व व्हिसा अर्जदारांना वैयक्तिक मुलाखती देणे बंधनकारक करणे समाविष्ट आहे.

पूर्वी, व्हिसाधारकांची चौकशी अशा विद्यार्थ्यांवर केंद्रित होती जे पॅलेस्टाईन समर्थक किंवा इस्रायलविरोधी कारवायांमध्ये सहभागी होते. परंतु आता ती आणखी वाढविण्यात आली आहे. अधिकाऱ्यांचे म्हणणे आहे की, पुनरावलोकनादरम्यान, सर्व व्हिसाधारकांचे सोशल मीडिया अकाउंट तपासले जातील. त्यांच्या देशांमध्ये त्यांच्याविरुद्ध कोणताही गुन्हा दाखल झाला आहे का हे देखील पाहिले जाईल. त्यांनी अमेरिकेत वास्तव्यादरम्यान कोणत्याही कायद्याचे उल्लंघन केले आहे का.

गेल्या वर्षीपेक्षा दुप्पट व्हिसा रद्द  Visa Holder। 
परराष्ट्र विभागाने, “ट्रम्प प्रशासनाने गेल्या वर्षीच्या तुलनेत या वर्षी दुप्पट व्हिसा रद्द केले आहेत” असे सांगितले आहे. या वर्षी सुमारे चार पट जास्त विद्यार्थी व्हिसा रद्द करण्यात आले आहेत. ट्रम्प पुन्हा अध्यक्ष झाल्यानंतर, ६ हजारांहून अधिक विद्यार्थी व्हिसा रद्द करण्यात आले आहेत. यापैकी बहुतेक प्रकरणे हल्ला, मद्यधुंद वाहन चालवणे आणि दहशतवादाला पाठिंबा देण्याचे होते.

अनेक विद्यार्थ्यांचे व्हिसा देखील रद्द करण्यात आले कारण ते निर्धारित मर्यादेपेक्षा जास्त काळ अमेरिकेत राहिले किंवा त्यांनी अमेरिकन कायद्याचे उल्लंघन केले. या ६ हजारांपैकी सुमारे ४ हजार व्हिसा कायद्याचे उल्लंघन केल्यामुळे रद्द करण्यात आले. दहशतवादाशी संबंधित समस्यांमुळे सुमारे २००-३०० व्हिसा रद्द करण्यात आले.