Virat One8 Shoes : बिजनेसच्या मैदानात किंग कोहलीने रचला नवा इतिहास! ‘वन8’ ब्रँडने अवघ्या २४ तासांत विकले १.५ लाख शूज
Virat One8 Shoes : विराट कोहलीचा स्वतःचा 'One8' (वन-एईट) हा ब्रँड सध्या बाजारात धावत नसून, उसेन बोल्टच्या वेगाने सुसाट सुटला आहे.
Virat Kohli One8 Brand Shoes Agilitas Sale Valuation 140 Crore Puma Deal : किंग विराट कोहली क्रिकेटच्या मैदानात किती मोठा ‘लेजंड’ आहे, हे वेगळे सांगण्याची गरज नाही. मात्र, आता त्याचा हाच मास्टर क्लास बिजनेसच्या मैदानातही धुमाकूळ घालत आहे. विराट कोहलीचा स्वतःचा ‘One8’ (वन-एईट) हा ब्रँड सध्या बाजारात धावत नसून, उसेन बोल्टच्या वेगाने सुसाट सुटला आहे. एका ताज्या अहवालानुसार, या ब्रँडचे नवीन शूज लॉन्च होताच अवघ्या २४ तासांत तब्बल १,५०,००० (दीड लाख) शूजची रेकॉर्डब्रेक विक्री झाली आहे. एका शूजची किंमत ९,२३० रुपये असून या हिशोबाने कंपनीने अवघ्या एका दिवसात तब्बल १,३८,४५,००,००० रुपये (सुमारे १४० कोटी रुपये) गल्ला जमवला आहे.
विराट कोहली फक्त नाव नाही, तर एक महाब्रँड – (Virat One8 Shoes)
विराट कोहलीच्या मैदानातील कामगिरीसोबतच त्याची अफाट फिटनेस ही कंपन्यांसाठी सोन्याची खाण ठरते. २०१७ मध्ये विराटने प्रसिद्ध जर्मन स्पोर्ट्स ब्रँड पूमा (Puma) सोबत तब्बल ११० कोटी रुपयांचा करार केला होता. तो केवळ कंपनीचा चेहरा बनला नाही, तर त्याने पूमासोबत भागीदारी करत ‘Puma One8’ रेंज लॉन्च केली. या भागीदारीतून पूमाने २५० कोटी रुपयांचा बंपर बिजनेस केला होता.
A lap around one8 World!
Plenty of curious looks. Plenty of first reactions. And a pair of shoes that had everyone stopping by. pic.twitter.com/ubfAS2DhlT
— one8 (@one8world) June 21, 2026
३०० कोटींची ऑफर नाकारून घेतली सर्वात मोठी जोखीम – (Virat One8 Shoes)
“I’m A Little Nervous Today ” – @imVkohli 😂🖤 pic.twitter.com/Ma9mkzenmq
— virat_kohli_18_club (@KohliSensation) June 21, 2026
२०२५ मध्ये पूमासोबतचा करार संपल्यानंतर कंपनीने विराटला पुन्हा आपल्यासोबत जोडण्यासाठी ३०० कोटी रुपयांची तगडी ऑफर दिली होती. परंतु, विराटने या महाऑफरला लाथ मारत एक मोठा आणि धाडसी निर्णय घेतला. पूमा इंडियाचे माजी व्यवस्थापकीय संचालक अभिषेक गांगुली यांनी २०२३ मध्ये ‘Agilitas’ (एजिलिटास) नावाचा स्पोर्ट्सवेअर आणि लाइफस्टाइल स्टार्टअप सुरू केला होता, ज्याला ६०० कोटींची फंडिंग मिळाली होती.
विराटने या नवीन भारतीय ब्रँडवर विश्वास दाखवला आणि आपला ‘One8’ ब्रँड पूमामधून काढून ‘Agilitas’ मध्ये समाविष्ट केला. क्रिकेटच्या मैदानात सौरव गांगुली आणि विराट कोहली यांच्यातील वाद गाजला असला, तरी मैदानाबाहेर या ‘गांगुली-कोहली’ (अभिषेक गांगुली आणि विराट) जोडीने पहिल्याच २४ तासांत १४० कोटींची कमाई करून कॉर्पोरेट जगताला हादरवून सोडले आहे. (Virat One8 Shoes)
