Vinod Bansal: भारत आणि पाकिस्तान यांच्यातील आयसीसी विश्वचषक सामन्यापूर्वी राजकीय वक्तृत्व तीव्र झाले आहे. विश्व हिंदू परिषद (VHP) चे राष्ट्रीय प्रवक्ते विनोद बन्सल यांनी या सामन्याबाबत पाकिस्तानवर निशाणा साधला आहे. आयसीसीसमोरील त्यांचे सर्व प्रयत्न अपयशी ठरले आहेत. आता त्यांना मैदानावर भारताचा सामना करावा लागेल. 

आय सीसीसमोरील पाकिस्तानचे प्रयत्न अयशस्वी   
VHP चे राष्ट्रीय प्रवक्ते विनोद बन्सल यांनी सोशल मीडियावर पोस्ट करत,”पाकिस्तानने आयसीसीसमोर विविध प्रकारचे निषेध आणि दबाव आणण्याचा प्रयत्न केला होता, परंतु त्याचा काही उपयोग झाला नाही. त्यांनी व्यंगात्मकपणे लिहिले आहे की, पाकिस्तानला अखेर पुन्हा भारताविरुद्ध खेळण्यास सहमती द्यावी लागली” असे म्हटले आहे.

पाकिस्तान ने फिर मुंह की खाई…!!
ICC के समक्ष उसके तमाम ना-नुकूर, धमकी-विरोध और जिहादी प्रतिरोध सब बेकार हुए। मियां शरीफ ने बदमाशी कर बांग्लादेश को तो बिना खेले ही क्रिकेट से बाहर करा दिया किंतु #TeamPakistan फिर से भारत का सामने ही हारने को खड़ा कर दिया।

आज #महाशिवरात्रि है और…

— विनोद बंसल Vinod Bansal বিনোদ বনসল వినోద్ బన్సాల్ (@vinod_bansal) February 15, 2026

पुढे त्यांनी आपल्या पोस्टमध्ये,”भारत-पाकिस्तान सामन्याचे वर्णन ‘राम-रावण युद्ध’ असे केले आहे. विनोद बन्सल यांनी त्यांच्या पोस्टमध्ये भारत-पाकिस्तान सामन्याचा संबंध धार्मिक प्रतीकात्मकतेशी जोडत लिहिले आहे की, हा सामना महाशिवरात्रीला खेळला जात आहे आणि हा सामना पुन्हा एकदा ‘राम-रावण युद्धा’सारखा असेल का. त्यांनी प्रश्न उपस्थित केला की, पाकिस्तानने सामन्यापूर्वी भारताची माफी मागावी का? असा सवाल देखील उपस्थित केला आहे.

१९९२ पासून भारताचे वर्चस्व Vinod Bansal: 
पुढे बंसल म्हणाले की, “विश्वचषकात पाकिस्तानवर भारताचा विजयाचा सिलसिला १९९२ मध्ये सिडनी येथे सुरू झाला आणि कोलंबोपर्यंत सुरू आहे.” त्यांनी दावा केला की, २०२१ च्या दुबई सामन्याशिवाय आतापर्यंत खेळल्या गेलेल्या प्रत्येक एकदिवसीय आणि टी-२० विश्वचषक सामन्यात भारताने पाकिस्तानला हरवले आहे.

टीम इंडियाला शुभेच्छा
भारतीय संघाला शुभेच्छा देताना, विहिंप नेते म्हणाले की, टीम इंडिया यावेळीही जिंकेल आणि सुपर ८ मध्ये आपले स्थान निश्चित करेल. त्यांनी भारतीय खेळाडूंच्या कामगिरीवर विश्वास व्यक्त केला.

रविवारी कोलंबोमध्ये होणार भव्य सामना  Vinod Bansal: 
भारत आणि पाकिस्तान यांच्यातील बहुप्रतिक्षित सामना रविवारी कोलंबोमध्ये खेळला जाईल. हा सामना भारतीय वेळेनुसार संध्याकाळी ७ वाजता सुरू होईल. हा गट अ चा सामना आहे. दोन्ही संघांनी त्यांचे पहिले दोन सामने जिंकले आहेत. चांगल्या नेट रन रेटच्या आधारे, भारतीय संघ पॉइंट टेबलमध्ये आघाडीवर आहे, तर पाकिस्तान दुसऱ्या स्थानावर आहे.