Vinesh first reaction after CAS dismisses appeal : पॅरिस ऑलिम्पिक 2024 नंतर भारतीय चाहत्यांना मोठा धक्का बसला. कुस्तीपटू विनेश फोगटने अपात्रतेनंतर कोर्ट ऑफ आर्बिट्रेशन फॉर स्पोर्ट्स (CAS) मध्ये अपील केले होते. विनेशचे अपील फेटाळण्यात आले. हे अपील फेटाळल्याने रौप्यपदकाची आशाही मावळली. आता या प्रकरणानंतर विनेशने एक पोस्ट शेअर केली आहे. त्याने सोशल मीडियावर एक फोटो शेअर केला आहे. या फोटोवर अनेक प्रकारच्या कमेंट्सही आल्या आहेत.

खरंतर विनेशने इन्स्टाग्रामवर स्वतःचा एक फोटो शेअर केला आहे. यामध्ये ती इमोशनल दिसत आहे. महत्त्वाची बाब म्हणजे या फोटोच्या कॅप्शनमध्ये विनेशने काहीही लिहिलेले नाही. पण अनेक चाहत्यांनी विनेशला प्रोत्साहन देण्यासाठी अनेक कमेंट केल्या आहेत.

भारतीय टेबल टेनिसपटू मनिका बत्राने कमेंटमध्ये लिहिले आहे की, “तू प्रेरणादायी आणि कौतुकास पात्र आहेस. तू भारताचे रत्न आहेस.” मनिकासोबत इतर लोकांनीही विनेशसाठी कमेंट केली आहे.

Vinesh Phogat : गुगल सर्चमध्ये विनेश फोगट टॉपवर, 7 दिवसात भारतासह 23 देशांमध्ये सर्वाधिक सर्च…

सुवर्णपदकाच्या सामन्यापूर्वी ठरवले अपात्र…

विनेशने सीएएसमध्ये रौप्यपदकासाठी अपील केले होते.  मात्र तिच्या निर्णयाची तारीख पुन्हा पुन्हा पुढे ढकलण्यात आली. मात्र, अखेर बुधवारी निर्णय झाला. सीएएसने विनेशचे अपील फेटाळले. सुवर्णपदकाच्या सामन्यापूर्वी विनेशला अपात्र घोषित करण्यात आले. कारण तिचे वजन फक्त 100 ग्रॅम जास्त होते. विनेशचे रौप्यपदक निश्चित होते मात्र तिला अपात्र ठरवण्यात आले होते. दरम्यान अपात्र ठरल्यानंतर तिने लगेचच निवृत्तीची घोषणाही केली होती.

आतापर्यंतची कामगिरी…

विनेशने राष्ट्रकुल स्पर्धेत 3 सुवर्णपदके जिंकली आहेत. तिने 2014, 2018 आणि 2022 मध्ये सुवर्णपदक जिंकले होते. यासोबतच 2018 च्या आशियाई क्रीडा स्पर्धेतही तिने सुवर्णपदक पटकावले होते.