Vinesh Phogat Disqualified Olympics ।  पॅरिस ऑलिम्पिकमध्ये सुवर्णपदकाची दावेदार मानली जाणारी भारताची स्टार कुस्तीपटू विनेश फोगट हिला जास्त वजनामुळे अपात्र घोषित करण्यात आले आहे. त्यानंतर आता विनेश फोगटची प्रकृती खालावली असल्याची बातमी समोर आली आहे. त्यामुळे तिला रुग्णालयात दाखल करण्यात आलय.

डिहायड्रेशनमुळे विनेश फोगटला कोणत्याही हॉस्पिटलमध्ये नाही तर स्पोर्ट्स व्हिलेजमधील पॉलीक्लिनिकमध्ये दाखल करण्यात आले होते. दरम्यान , तिच्या प्रकृतीविषयी अद्याप तरी कोणतीही गंभीर बाब नसल्याचीही माहिती मिळाली आहे. तसेच तिला लवकरच डिस्चार्ज मिळण्याची शक्यता वर्तवण्यात येत आहे.

विनेश फोगटचे वजन 100 ग्रॅमने वाढले होते, ज्यामुळे तिला पॅरिस ऑलिम्पिकमधून अपात्र ठरवण्यात आले होते. सर्वांना विनेशकडून सुवर्णपदकाची अपेक्षा होती. काल रात्री त्याने उपांत्य फेरीत शानदार विजयाची नोंद केली होती. चमकदार कामगिरी करणाऱ्या विनेश फोगटकडून सुवर्णपदकाच्या पूर्ण अपेक्षा होत्या. आता त्याच्या अपात्रतेनंतर चाहत्यांच्या आशा पल्लवित झाल्या आहेत.

कुटुंबीयांनी कटाचा संशय व्यक्त केला Vinesh Phogat Disqualified Olympics ।

विनेश फोगटच्या अपात्रतेनंतर तिच्या कुटुंबीयांनी सरकार आणि भारतीय कुस्ती महासंघाचे माजी अध्यक्ष ब्रिजभूषण शरण सिंग यांच्यावर गंभीर आरोप केले. यात सरकार आणि ब्रिजभूषण शरण सिंह यांचा हात असल्याचे ते म्हणाले. आम्ही तुम्हाला सांगतो की, विनेश दुपारी 12.30 वाजता (08 ऑगस्ट) अंतिम सामना खेळणार होती. अंतिम सामन्यात विनेशचा सामना अमेरिकेच्या सारा ॲन हिल्डब्रँडशी होणार होता.

 अजूनही रौप्य किंवा कांस्य पदक मिळू शकते ?  Vinesh Phogat Disqualified Olympics ।

नियमानुसार अपात्र ठरल्यानंतर आता कुस्तीपटू विनेश फोगटला पॅरिस ऑलिम्पिक २०२४ मध्ये कोणतेही पदक जिंकता येणार नाही. याचा अर्थ अंतिम फेरीत पोहोचूनही विनेशला पदकाविना मायदेशी परतावे लागणार आहे. अंतिम फेरीत पोहोचूनही सुवर्णपदक सोडा, आता विनेश फोगटला रौप्य आणि कांस्यपदकही गमवावे लागले आहे.

हेही वाचा
भारताला मोठा धक्का..! विनेश अंतिम फेरीपूर्वी ठरली अपात्र, पॅरिस ऑलिम्पिकमध्ये पदक मिळणार नाही, जाणून घ्या कारण….