Pune News : “मारहाण केल्याने माझा निश्चय ढळणार नाही. माझ्यावर मारहाण करणाऱ्यांना मी गांभीर्याने घेत नाही. मी मांडत असलेल्या मुद्द्यांचा तार्किक प्रतिवाद करण्याऐवजी वैयक्तिक टीका आणि मारहाण केली जात आहे,” अशी प्रतिक्रिया ध्वनिप्रदूषणाविरोधात भूमिका घेणारे विद्यानंद बापट यांनी शुक्रवारी दिली. (Pune News)

कर्णकर्कश डीजेच्या दणदणाटामुळे होणाऱ्या ध्वनिप्रदूषणाविरोधात भूमिका घेतल्याने गुरुवारी बापट यांना मारहाण करण्यात आली होती. या घटनेनंतर ते शुक्रवारी प्रथमच माध्यमांसमोर आले. (Pune News)

माध्यमांशी बोलतांना बापट म्हणाले, “सार्वजनिक उत्सवांच्या नावाखाली ध्वनिप्रदूषण आणि वाहतुकीचा त्रास नागरिकांवर लादला जात आहे. याचा त्रास पुणेकरांना होत आहे. एकीकडे पुण्याला सांस्कृतिक राजधानी म्हणून मिरवायचे आणि दुसरीकडे मत मांडणाऱ्याला मारहाण करायची, ही कोणती संस्कृती?” असा सवालही त्यांनी उपस्थित केला. (Pune News)

ध्वनिप्रदूषणाविरोधातील लढा यापुढेही सुरूच राहणार असल्याचे सांगत बापट म्हणाले, “या लढ्याला संघटनात्मक स्वरूप देण्याचा प्रयत्न सुरू आहे. त्याबाबत विचार सुरू आहे. रविवारी गोपाळ कृष्ण गोखले चौक (गुडलक हॉटेल) येथून निघणाऱ्या मोर्चातही सहभागी होणार असल्याचे सांगितले. (Pune News)

Pune News: पुण्यात नामांकित कंपन्यांची मोठी वीजचोरी! महावितरणच्या धाडीत धक्कादायक प्रकार उघड

Pune News : महाराष्ट्रातील जिओची दशकभराची दमदार वाटचाल; ग्राहकसंख्येत 45.5 पट वाढ