#व्हिडिओ ; पहा लॉकडाऊन दरम्यान पंतप्रधान मोदी काय करतायेत …
नवी दिल्ली : सध्याच्या लॉकडाऊनच्या काळात लोकांचे घरात असतानाचे दिनक्रम सोशल मीडियावर व्हायरल झाले आहेत. रविवारी झालेल्या ‘मन की बात’मध्ये पंतप्रधान नरेंद्र मोदींनी देखील आपण या लॉक डाऊन मध्ये काय करतो याचे व्हिडिओ लवकरच शेअर करणार असल्याचे म्हटले होते. त्यातील पहिला व्हिडिओ आज त्यांनी शेअर केला आहे,
एकानं तुमचं फिटनेस रुटीन काय आहे? असा प्रश्न विचारला होता. याच पार्श्वभूमीवर पंतप्रधान नरेंद्र मोदी यांनी जनतेला लॉकडाऊनच्या काळात प्रकृतीची काळजी कशी घ्याल? याबाबत सोमवारी सकाळी माहिती देणारा स्वतःचा एक व्हिडिओ शेअर केला.
During yesterday’s #MannKiBaat, someone asked me about my fitness routine during this time. Hence, thought of sharing these Yoga videos. I hope you also begin practising Yoga regularly. https://t.co/Ptzxb7R8dN
— Narendra Modi (@narendramodi) March 30, 2020
ट्विटरवरुन आपला योगासनं करतानाचा व्हिडिओ शेअर करताना पंतप्रधान म्हणाले, “मी कोणताही फिटनेस किंवा वैद्यकीय तज्ज्ञही नाही. दररोज योगासनांचा सराव करणं हा माझ्या आयुष्यातील अंतर्गत विषय आहे. अनेक वर्षांपासून मी योगासनांचा सराव करत असून याचा मला फायदाही झाला आहे. मला खात्री आहे की, तुमच्याकडेही फीट राहण्यासाठी इतर पर्यायही उपलब्ध असतील, हे पर्याय देखील तुम्ही इतरांसोबत शेअर करायला हवेत.”
“सध्याच्या लॉकडाऊनच्या काळात लोकांचा दिनक्रम आरोग्यपूर्ण रहावा यासाठी तुम्ही लोकांना प्रोत्साहित करा,” असं आवाहनंही मोदींनी जनतेला केलं आहे. तसेच आपला योगासनं करतानाचा व्हिडिओ विविध भाषांमध्येही उपलब्ध असल्याचं त्यांनी सांगितलं. तसेच ते व्हिडिओ देखील तुम्ही पाहू शकता, असा सल्ला देताना योगासनांच्या सरावासाठी त्यांनी जनतेला शुभेच्छाही दिल्या.
