# व्हिडीओ : ब्राम्हण समाजाबद्दल केलेल्या ‘त्या’ वक्तव्याची राजू शेट्टींकडून दिलगिरी

कोल्हापूर – ब्राम्हण समाजाबद्दल केलेल्या वक्तव्याची खासदार राजू शेट्टी यांनी दिलगिरी व्यक्त केली आहे. मी केलेल्या वक्तव्याचे कुणीही वाईट वाटून घेऊ नये. सीमेवर लढणाऱ्या जवानांच्याबद्दल बोलत असताना अनावधानाने माझ्याकडून काही शब्द गेले पण माझा बोलण्याचा मूळ मुद्दा बाजूलाच ठेऊन त्या वक्तव्याचा जास्त गाजावाजा झाला. पण माझा त्यांच्याबद्दल बोलण्याचा काहीच हेतू नव्हता, असे राजू शेट्टींनी म्हंटले आहे.

शेट्टी म्हणाले, देशातील सैन्यात शेतकऱ्यांची मुले भरती होऊन देश सेवा बजावतात. सीआरपीएफच्या जवानांना अद्यापही केंद्र सरकारने सैनिकांचा दर्जा दिलेला नाही. पुलवामा हल्ल्यात शहीद झालेले ही शेतकऱ्यांची मुले आहेत. तरीही त्यांना सरकारने शहीदांचा दर्जा दिलेला नाही. कारण त्यासाठी केंद्र सरकारने कायदा करणे गरजेचे आहे. त्यासाठी मी गेली ५ वर्षे मोदी सरकारकडे पाठपुरावा केला होता. तरीही माझ्या पत्राला साधे उत्तर देखील या सरकारने दिले नाही, असेही यावेळी शेट्टी म्हणाले.

-Ads-
दैनिक प्रभातचे फेसबुक पेज लाईक करा

त्यामुळे सैन्यात सर्वाधिक जवान आमच्या शेतकऱ्यांचीच असून देशपांडे अथवा कुलकर्णींची मुलं सैन्यात नसल्याचे केलेले वक्तव्य माझ्याकडून अनावधानाने केले गेले आहे. त्यामुळे कोणाच्याही भावना दुखावल्या असतील तर मी दिलगिरी व्यक्त करतो असे शेट्टींनी म्हंटले आहे. शेतात शेती करत करत आमचा बाप दर मिळत नाही म्हणून आत्महत्या करत असतो. सरकारने शेतीकडेही लक्ष दिले नाही व सैन्यातल्या जवानांकडेही लक्ष दिले नसल्याचेही त्यांनी म्हंटले आहे.

राजू शेट्टी यांची 'त्या' वक्तव्याबद्दल जाहीर माफी

कोल्हापूर – खासदार राजू शेट्टी यांनी कोल्हापूर जिल्ह्यातल्या हेरले येथे सभेत बोलताना देशासाठी हल्ल्यात शेतकऱ्यांची मुले शहीद होतात. कुलकर्णी, देशपांडे यांची नाही असे वक्तव्य केले होते. यावरून मोठा वाद निर्माण झाला होता. मात्र शहिदांना न्याय देण्याच्या हेतूने हे वक्तव्य केल्याचे शेट्टी यांनी नमूद केले तर ब्राह्मण समाजाच्या भावना दुखावल्याबद्दल त्यांनी जाहीर माफीही मागितली. त्यामुळं आता वादावर पडदा पडण्याची शक्यता आहे.

Posted by Dainik Prabhat on Thursday, 4 April 2019


‘प्रभात’चे फेसबुक पेज लाईक करा


ताज्या बातम्यांसाठी प्रभातचे मोबाईल अॅप डाऊनलोड करा

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)