Vidarbha wins Vijay Hazare Trophy first time : भारतीय देशांतर्गत क्रिकेटमध्ये विदर्भाच्या संघाने आपले दमदार प्रदर्शन कायम ठेवत नवा इतिहास रचला आहे. रविवारी झालेल्या अटीतटीच्या अंतिम सामन्यात विदर्भाने सौराष्ट्रचा ३८ धावांनी पराभव करून पहिल्यांदाच ‘विजय हजारे ट्रॉफी’ आपल्या नावे केली. गेल्या वर्षीच्या फायनलमधील पराभवाचा बदला घेत विदर्भाने मर्यादित षटकांच्या क्रिकेटमध्येही आपले वर्चस्व सिद्ध केले आहे. या विजयात अथर्व तायडे आणि यश ठाकूरची महत्त्वाची भूमिका राहिली.

विदर्भाची भक्कम फलंदाजी: अथर्व तायडेचं शतक –

नाणेफेक हारल्यानंतर प्रथम फलंदाजीला उतरलेल्या विदर्भाने ५० षटकांत ८ बाद ३१७ धावांचा डोंगर उभा केला. सलामीवीर अथर्व तायडेने आपल्या बॅटने सौराष्ट्रच्या गोलंदाजांची धुलाई केली. त्याने ११८ चेंडूंत १५ चौकार आणि ३ षटकारांच्या मदतीने १२८ धावांची मॅरेथॉन खेळी केली. त्याला यश राठोडने (५४ धावा) उत्तम साथ दिली. अखेरच्या षटकांत दर्शन नळकांडेने छोटेखानी पण वेगवान खेळी करत संघाला ३०० पार नेले. सौराष्ट्रकडून अंकुर पनवारने सर्वाधिक ४ विकेट्स घेतल्या.

Vidarbha clinches maiden Vijay Hazare Trophy title!🥳

Atharva Taide’s classy century powered Vidarbha to its maiden Vijay Hazare Trophy title. Chasing a mammoth target of 318, Saurashtra battled hard but fell short, losing the final by 38 runs. #VijayHazareTrophy #Vidarbha… pic.twitter.com/hFpNkAqsDb

— Doordarshan Sports (@ddsportschannel) January 18, 2026

सौराष्ट्रचा प्रतिकार आणि विदर्भाची भेदक गोलंदाजी –

Vidarbha won Vijay Hazare Trophy. They defeated Saurashtra by 38 runs in final.

Atharva Taide scored 128 runs. Yash Thakur got 4 & Nachiket Bhute got 3 wickets.
Player of the series Aman Mokhade scored 814 runs (Avg 90) in tournament.#VijayHazareTrophy2025 #VHT2025 #Vidarbha pic.twitter.com/1lIg6J6g6J

— बातम्या खेळांच्या (@Surendra21286) January 18, 2026

प्रत्युत्तरात ३१८ धावांच्या विशाल लक्ष्याचा पाठलाग करताना सौराष्ट्रची सुरुवात डळमळीत झाली. मात्र, प्रेरक मंकड (८८ धावा) आणि चिराग जानी (६४ धावा) यांनी झुंजार खेळी करत सौराष्ट्रच्या आशा जिवंत ठेवल्या होत्या. पण विदर्भाच्या गोलंदाजांनी मोक्याच्या क्षणी विकेट्स घेत सौराष्ट्रला २७९ धावांत रोखले. विदर्भाकडून हर्ष दुबेने शेवटच्या खेळाडूसह ४ विकेट्स घेत विजयावर शिक्कामोर्तब केले.

हेही वाचा – IND vs NZ : न्यूझीलंडचा ऐतिहासिक ‘मालिका विजय’! ३७ वर्षानंतर पहिल्यांदाच भारतात फडकवला झेंडा

विदर्भाच्या क्रिकेटमधील नवा अध्याय –

विदर्भाने यापूर्वी २०१८ आणि २०१९ मध्ये सलग दोनदा रणजी ट्रॉफी आणि इराणी चषक जिंकून सर्वांचे लक्ष वेधले होते. मात्र, विजय हजारे ट्रॉफीच्या जेतेपदाने त्यांच्या शिरपेचात मानाचा तुरा रोवला आहे. या विजयामुळे विदर्भ आता देशांतर्गत क्रिकेटमधील सर्वात यशस्वी संघांपैकी एक बनला आहे. संघातील वरिष्ठ खेळाडूंचा अनुभव आणि युवा खेळाडूंचा जोश हे विदर्भाच्या या यशाचे मुख्य गमक ठरले.