Vicky Kaushal: बॉलिवूडमधील सर्वात आवडते कपल म्हणजे विक्की कौशल आणि कटरीना कैफ. सप्टेंबर महिन्यात या दोघांनी आपल्या पहिल्या बाळाच्या आगमनाची आनंदवार्ता चाहत्यांसोबत शेअर केली होती. तेव्हापासूनच त्यांच्या चाहत्यांमध्ये मोठी उत्सुकता आहे. आता विक्की कौशलने दिलेल्या एका वक्तव्याने कटरीनाच्या डिलिव्हरीचा क्षण अगदी जवळ आल्याचे संकेत मिळत आहेत.

विक्कीच्या चेहऱ्यावर झळकली आनंदाची लखलख

मुंबईत झालेल्या ‘युवा कॉन्क्लेव्ह’च्या दुसऱ्या सत्रात विक्की कौशलने आपल्या खासगी आयुष्याविषयी मनमोकळ्या गप्पा मारल्या. प्रेक्षकांनी जेव्हा त्याला विचारले की, “पिता बनण्याच्या कोणत्या गोष्टीची तुला सर्वात जास्त आतुरता आहे?”
तेव्हा विक्की हसत म्हणाला, “बस, पिता बनण्याचीच!”
त्याच्या चेहऱ्यावरील आनंद आणि डोळ्यांतील चमक पाहून सगळ्यांना जाणवले की तो या क्षणाची आतुरतेने वाट पाहत आहे.

“आता तर घराबाहेर पडणारच नाही”

विक्की पुढे म्हणाला,
“हे आमच्या आयुष्यातलं सर्वात मोठं आशीर्वाद आहे. खूप उत्साहित आहे, आणि आता तो क्षण जवळ आलाय… बस, बोटं क्रॉस आहेत!”
हसत-हसत त्याने पुढे जोडले, “मला असं वाटतंय की मी आता घराबाहेर पडणारच नाही.”
त्याच्या या वाक्यावर उपस्थित प्रेक्षकांनी जोरदार टाळ्यांचा कडकडाट केला.

UFF UFF #VickyKaushal 💌🤌🥹
” I feel very bad to block anybody even if I’m getting spammed I never block I avoid i ignore but I just don’t hv the heart to block anybody,, YOU HEARTTHROB BTW HE IS SUCH A #HrithikRoshan FAN BOY 🫶 SINCE HIS CHILDHOOD. pic.twitter.com/mMoipufxFI

— 🪽 (@solitudeluvv) October 14, 2025

सनी कौशलही झाला भावुक

काही दिवसांपूर्वी विक्कीचा धाकटा भाऊ सनी कौशलनेही या आनंदवार्तेवर प्रतिक्रिया दिली होती. तो म्हणाला,
“ही आमच्यासाठी फार मोठी बातमी आहे. सगळेच खूप आनंदात आहेत, पण थोडं टेन्शनही आहे की पुढे काय होणार. आता फक्त त्या दिवसाचीच वाट बघतोय.”

सोशल मीडियावर केली होती गोड अनाउन्समेंट

विक्की आणि कटरीनाने मागील महिन्यात आपल्या इंस्टाग्रामवर एक ब्लॅक-ऍण्ड-व्हाईट फोटो शेअर केला होता. त्या फोटोत कटरीना आपल्या बेबी बंपकडे प्रेमाने पाहताना दिसत होती, तर विक्की तिच्या खांद्यावर डोकं ठेवून हसताना.
त्या पोस्टमध्ये त्यांनी लिहिलं होतं,
“आमच्या आयुष्याच्या सर्वात सुंदर अध्यायाची सुरुवात होत आहे. मनात फक्त प्रेम आणि कृतज्ञता आहे.”
या पोस्टनंतर चाहत्यांकडून आणि बॉलिवूडमधून शुभेच्छांचा वर्षाव झाला होता.

कटरीना-विक्कीची प्रेमकहाणी

कटरीना कैफ आणि विक्की कौशलची प्रेमकहाणी बॉलिवूडमधील सर्वात चर्चित कहाण्यांपैकी एक आहे.
दोघांनी डिसेंबर 2021 मध्ये राजस्थानमधील सिक्स सेन्सेस फोर्ट बरवाडा येथे राजेशाही थाटात लग्न केले होते.
ही लग्नसोहळा गुप्त ठेवण्यात आला होता, पण त्याच्या सुंदर फोटोंनी सोशल मीडियावर धुमाकूळ घातला होता.

अजूनपर्यंत दोघांनी एकत्र कोणत्याही चित्रपटात काम केलेले नाही, पण त्यांची ऑफ-स्क्रीन केमिस्ट्री कोणत्याही रोमँटिक चित्रपटापेक्षा कमी नाही.
आता हे दोघे आपल्या आयुष्यातील सर्वात सुंदर टप्प्यात प्रवेश करत आहेत, आणि चाहत्यांच्या शुभेच्छा व आशीर्वाद त्यांच्यासोबत आहेत.