VHP on Mallikarjun Kharge । केंद्रीय गृहमंत्री अमित शाह यांनी काल प्रयागराजला जाऊन कुंभमेळ्यात पवित्र गंगास्नान केले. त्यांच्या या महास्नानावर काँग्रेसचे अध्यक्ष मल्लिकार्जुन खरगे यांनी खोचक टीका केली. याच त्यांच्या टिकेवरून आता नवा वाद निर्माण झाला आहे. विश्व हिंदू परिषदेकडून खरगे यांच्या टीकेला प्रत्युत्तर देण्यात आले आहे.

प्रयागराजमधील संगमात स्नान करण्यावरून भाजप नेत्यांना लक्ष्य करणारे काँग्रेसचे अध्यक्ष मल्लिकार्जुन खरगे यांनी केलेल्या विधानावर विश्व हिंदू परिषदेने (व्हीएचपी) काँग्रेसवर टीका केली. विश्व हिंदू परिषदेने, “काँग्रेसला त्यांच्या श्रद्धेचा ‘अपमान’ केल्याबद्दल लोक माफ करणार नाहीत.” असे म्हटले आहे.

विश्व हिंदू परिषदेचे सह-सरचिटणीस सुरेंद्र जैन यांनी पंतप्रधान नरेंद्र मोदी आणि केंद्रीय गृहमंत्री अमित शहा यांच्याबद्दल खरगे यांच्या वक्तव्याचा निषेध केला. तसेच काँग्रेस नेहमीच हिंदूविरोधी राहिली आहे आणि जगाला माहिती आहे की त्यांनी हिंदूंना कसे ‘कलंकित’ केले आहे. हे पाप आहे. त्यांना दहशतवादी ठरवून आणि ‘भगवा दहशतवाद’ हा शब्दप्रयोग करून हे कृत्य केले आहे.’ अशी टीका देखील त्यांनी यावेळी केली.

काँग्रेस अध्यक्ष काय म्हणाले? VHP on Mallikarjun Kharge ।
काँग्रेसचे अध्यक्ष मल्लिकार्जुन खरगे यांनी ,”कॅमेऱ्यांसमोर संगममध्ये डुबकी मारण्यासाठी भाजप नेते एकमेकांशी स्पर्धा करत आहेत, ” असे खरगे म्हणाले होते. त्यांच्या या वक्तव्यानंतर विहिंपनेही प्रतिक्रिया आली आहे. अशा कृतीमुळे देशातून गरिबी दूर होण्यास मदत होईल का,?असा प्रश्न खरगे यांनी उपस्थित केला होता. मध्य प्रदेशातील महू येथे ‘जय बापू, जय भीम, जय संविधान’ रॅलीत काँग्रेस प्रमुखांनी मोदी आणि शहा यांच्यावर निशाणा साधला. तसेच आरोप केला की ‘त्यांनी इतके पाप केले आहे की ते १०० जन्मातही स्वर्गात जाऊ शकत नाहीत.’

आज महाकुंभमेळ्यादरम्यान शाह यांनी संगमात स्नान केले तेव्हा खर्गे यांनी ही टिप्पणी केली. पत्रकारांनी जैन यांना खरगे यांच्या वक्तव्याबद्दल विचारले असता ते म्हणाले की, काँग्रेस प्रमुखांनी “जगातील सर्वात मोठा धार्मिक मेळावा असलेल्या महाकुंभावरील लोकांच्या श्रद्धेचा अपमान केला आहे.”

कुंभमेळ्याला बदनाम करण्याचे षड्यंत्र  VHP on Mallikarjun Kharge ।
जैन यांनी आरोप केला की, खरगे यांचे वक्तव्य हे कुंभमेळ्याला बदनाम करण्याच्या आणि हिंदू समाजातील सर्व वर्गातील लोक, त्यांच्या जातीची पर्वा न करता, महाकुंभाला भेट देत असल्याने फूट पाडण्याच्या काँग्रेसच्या कटाचा एक भाग आहे. ते म्हणाले, “काँग्रेस नेहमीच हिंदूविरोधी राहिली आहे. श्रद्धेचा कोणताही अपमान स्वीकारला जाऊ शकत नाही. देशातील जनता आणि हिंदू समाज त्यांना माफ करणार नाही आणि त्यांना योग्य उत्तर देईल.” असेही त्यांनी यावेळी म्हटले.

नरेंद्र मोदी आणि अमित शहा यांच्याबद्दल खरगे यांच्या वक्तव्याबद्दल विचारले असता जैन म्हणाले की, “जगाला काँग्रेसची पापे माहित आहेत”. “केवळ मुस्लिमांना खूश करण्यासाठी त्यांनी सनातनचा, हिंदूंचा अपमान केला आणि त्यांचा अपमान केला,” असे ते म्हणाले. त्यांना दहशतवादी म्हटले, भगवा हा शब्द वापरला. दहशतवादाला चालना दिली आणि हिंदूंवर खोटे खटले दाखल केले. त्यांनी वक्फ बोर्डाची स्थापना केली. त्यांनी बाबासाहेब आंबेडकरांचे स्वप्न पूर्ण होऊ दिले नाही.”