नुकतीच ज्येष्ठ अभिनेत्री शबाना आझमी यांची भूमिका असलेली ‘डब्बा कार्टेल’ ही वेबसिरीज प्रदर्शित झाली आहे. या वेबसिरीजमध्ये शबाना यांनी महत्वाची भूमिका साकारली आहे. याशिवाय अंजली आनंद, ज्योतिका, शालिनी पांडे, मराठमोळी अभिनेत्री सई ताम्हणकर यांच्या देखील महत्वाच्या भूमिका या सिरीजमध्ये आहेत. या सिरीजमधील शबाना आझमी यांनी साकारलेल्या भूमिकेचे कौतुक होत आहेत. एका मुलाखतील दरम्यान शबाना आझमी यांनी या सिरीजमधील त्यांचे अनुभव शेअर केले आहेत. दिग्दर्शकाकडे काम मिळवण्यासाठीची मजेशीर विधान केले आहे.

शबान यांनी मी एक लोभी अभिनेत्री आहे, दिग्दर्शकांकडे काम मागायला मनामध्ये संकोच बाळगत नसल्याचे त्या म्हणाल्या आहेत.  पुढे त्या असेही म्हणाल्या की मी दिग्दर्शकाला विचारते तुम्ही मला कधी कास्ट करणार आहात. दिग्दर्शकाने जर मला कास्ट केले नाही. तर त्याच्या घराबाहेर आंदोलन करणार आणि जोपर्यंत दिग्दर्शक मला घराबाहेर येऊन हा तुम्हाला मी कास्ट केले असे म्हणत नाही तोपर्यंत मी मागे हटणार नाही, असे गंमतीने केलेले विधान सर्वत्र चर्चाचा विषय बनले आहे. यादरम्यान, एका प्रकल्पात सहकार्य करण्यासाठी उमेश मेहरा यांचा पाठलाग केला होता तेव्हाच्या घटनेची आठवण त्यांनी सांगितली.

‘डब्बा कार्टेल’चे दिग्दर्शन हितेश भाटिया यांनी केले आहे. या वेबसिरीजचा प्रीमीअर २८ फेब्रुवारीला नेटफ्लिक्सवर प्रदर्शित करण्यात आला आहे. या सिरीजला प्रेक्षकांची चांगली दाद मिळत आहे. शिबानी अख्तर, विष्णू मेनन, गौरव कपूर आणि आकांक्षा सेदा यांनी ही सिरीज बनवली आहे. या सिरीजमध्ये शबाना आझमींशिवाय गजराज राव, ज्योतिका, निमिषा सजयन, शालिनी पांडे, अंजली आनंद, सई ताम्हणकर, जिशू सेनगुप्ता, लिलेट दुबे आणि भूपेंद्र सिंह जदावत या कलाकारांनी काम केले आहे.