पुणे – वीर साहस बागीने नुकत्‍याच संयुक्त अरब अमिरातीमधील दुबई येथे झालेल्या वर्ल्ड मेंटल स्पोर्ट्स ऑलिम्पिकस 2024 (world mental sports olympics 2024) स्‍पर्धेमध्‍ये भारतासाठी 2 सुवर्ण आणि 2 कांस्यपदके पटकावून अभिमानास्पद कामगिरी केली. वीर सोबतच पुण्‍याच्‍या स्वानंद भोरे याने कांस्‍यपदक पटकावले.

वर्ल्ड मेंटल स्पोर्ट्स ऑलिम्पिकस (world mental sports olympics 2024) ही स्पर्धा चार वर्षातून एकदा होते. या आधीची स्पर्धा 2016 मध्ये लास वेगास (अमेरिका) येथे आयोजित करण्यात आली होती. या स्पर्धेत यावर्षी 30 देशांतील 150 हून अधिक स्‍पर्धकांनी भाग घेतला. यात मानसिक गणिताशी संबंधित सहा विषयांचा अंतर्भाव होता आणि वीरने सर्वच्या सर्व सहा विषयांमध्ये भाग घेतला.

वीरने पाच दशांश पर्यंतच्या उत्तरांसह 10 सहा अंकी संख्यांचे अचूक वर्गमूळ व एका मिनिटात दिलेल्या कॅलेंडरवरील अनेक तारखांसाठीच्या दिवसाची गणना करणे. यामध्‍ये एका मिनिटात 95 तारखा मोजून दोन सुवर्णपदके मिळवली आणि 10 अंकी संख्येच्या 10 बेरीजची 5 अंकी संख्येद्वारे अचूक विभागणी करणे आणि फ्लॅश अंझान मॅरेथॉन-1 ते 0.3 सेकंदांच्या वारंवारतेच्या अंतराने संगणकाच्या स्क्रीनवर फ्लॅश केलेल्या 1 ते 6 अंकी संख्यांची भर घालणे यामध्‍ये २ कांस्यपदके पटकावली.

बिशप्स स्कूल पुणेचा विद्यार्थी आणि साहस बागी व स्वीटी बागी यांचा १२ वर्षांचा मुलगा वीर बागी हा ज्याने मानसिक गणिताच्या चारही श्रेणींमध्ये पदके मिळवणारा एकमेव स्पर्धक ठरला, जी त्याची अष्टपैलूता दर्शवते.

पॅडरबॉर्न, जर्मनी येथे नुकत्याच झालेल्या १० व्या मेंटल कॅल्क्यूलेशन वर्ल्ड कप ( एम सी डब्लू सी ) तसेच बिलेफेल्‍ड, जर्मनी येथे झालेल्या जुनिअर मेंटल कॅल्क्यूलेशन वर्ल्ड कप (जे एम सी डब्लू सी ) वीर बागी ने विशेष प्राविण्य मिळविले होते. वीरच्‍या या भारतासाठीच्‍या विशेष कामगिरीबद्दल त्‍याचे सर्वस्‍तरातून विशेष कौतुक होत आहे.