Varanasi Temple Fire। उत्तर प्रदेशातील वाराणसीमध्ये आज सकाळी एक मोठी दुर्घटना घडली. वाराणसीच्या चौकमधील  आत्मविश्वेश्वर मंदिरात अचानक मोठी आग लागली, ज्यामध्ये अनेक लोक अडकले. आतापर्यंत मिळालेल्या माहितीनुसार, या आगीत सुमारे ७ लोक भाजले आहेत, ज्यांना जवळच असलेल्या महमूरगंज याठिकाणी जीएस रुग्णालयात दाखल करण्यात आले आहे. त्यांच्यावर त्याठिकाणी उपचार सुरू आहेत.

मंदिर एका प्राचीन धार्मिक स्थळाच्या धर्तीवर सजवले गेले होते. दरम्यान, अनेक वस्तू आणि लोक आगीत अडकले. प्रथमदर्शनी हे प्रकरण शॉर्ट सर्किटचे असल्याचे दिसते.

सर्व लोक धोक्याबाहेर आहेत Varanasi Temple Fire। 

या अपघातानंतर महमूरगंज याठिकाणी जीएस रुग्णालयात सुमारे ७ लोकांवर उपचार सुरू असल्याचे सांगण्यात येत आहे. स्थानिक नेते, आमदार, विरोधी पक्ष नेते आणि पोलिस प्रशासन रात्रीच घटनास्थळी पोहोचले होते. सुदैवाने, या अपघातात जखमी झालेले सर्व लोक धोक्याबाहेर आहेत.

‘आम्हाला काशी विश्वनाथपासून सर्वांच्या सुरक्षिततेची इच्छा’  Varanasi Temple Fire। 
काँग्रेसचे प्रदेशाध्यक्ष अजय राय यांनी आत्मविश्वेश्वर मंदिरातील आगीच्या घटनेवर चिंता व्यक्त केली. सर्व जखमींना लवकर बरे होण्याच्या शुभेच्छा देत त्यांनी इंस्टाग्रामवर पोस्ट लिहिली. त्यात त्यांनी, “वाराणसीतील माँ संकटा जी मंदिराशेजारी असलेल्या श्री आत्मा विश्वेश्वर महादेव मंदिरात आग लागल्याची आणि अनेक भाविक भाजल्याची बातमी दुःखद आहे. अपघातात जखमी झालेल्या भाविकांच्या लवकर बरे होण्याकरिता मी बाबा श्री काशी विश्वनाथ जी यांना प्रार्थना करतो.”असे म्हटले आहे.