Sangli News : मिरजेत पहाटेच्या वेळी एक भीषण आगीची घटना (Sangli News) घडली असून परिसरात एकच खळबळ उडाली आहे! मिरज ते जुना माधवनगर रस्त्यावरील पत्र्याच्या पार्किंग शेडमधील टँकरला शॉर्ट सर्किटमुळे भीषण आग लागली. बघता बघता आगीच्या ज्वाळांनी संपूर्ण शेड वेढून टाकले.

आग इतकी भयंकर होती की काही क्षणातच टँकर आणि दोन दुचाकी व पार्किंग शेड आगीच्या भक्ष्यस्थानी सापडले! आगीचा वणवा पाहून परिसरातील नागरिकांमध्ये घबराटीचे वातावरण पसरले. माहिती मिळताच (Sangli News) पोलीस आणि अग्निशमन दलाचे जवान तातडीने घटनास्थळी दाखल झाले. अग्निशमन बंबाच्या सहाय्याने शर्थीचे प्रयत्न करत जवानांनी अखेर आगीवर नियंत्रण मिळवले.

सुदैवाने या आगीत कोणतीही जीवितहानी झाली नसल्याने नागरिकांनी सुटकेचा नि:श्वास सोडला. मात्र, आगीचे भीषण दृश्य पाहण्यासाठी मोठ्या संख्येने नागरिकांनी घटनास्थळी गर्दी केली होती. आगीचे नेमके कारण तपासात स्पष्ट होणार आहे.

मिरजेतील जुना माधवनगर रस्त्यावर असे अनेक शेड असून ते शेड पेट्रोल, डिझेल वाहतूक करणाऱ्या टँकरसाठी पार्किंग व टँकरच्या किरकोळ दुरुस्तीसाठी वापरले जात असल्याचे बोलले जाते. पण जर या ठिकाणी (Sangli News) कदाचित पेट्रोल अथवा डिझेलने भरलेला टँकर असता तर चित्र वेगळे असते अनेक शेकडो टँकर या विविध शेडमध्ये दररोज येताना जाताना दिसतात. या शेडचा नेमका उपयोग काय याचे कारण मात्र अजून ही गुलदस्त्यात आहे.