Vivek Agnihotri : आपल्याला एखादा खाण्याचा पदार्थ आवडला नसेल, तर आपण त्याबद्दल नाही आवडला असं म्हणू शकतो किंवा त्या पदार्थसंबंधित जाणवणाऱ्या त्रुटी सांगू शकतो, पण एका प्रसिद्ध दिग्दर्शकाने एका मुलाखतीत संतापजनक वक्तव्य केलं आहे. वरण भात म्हणजे गरिब लोकांचं जेवण असल्याचं वक्तव्य द बंगाल फाईल्स सिनेमाचे दिग्दर्शक विवेक अग्निहोत्री यांनी केलं आहे.

नुकताच दिग्दर्शक विविके अग्निहोत्री यांच्या द बंगाल फाइल्स सिनेमाचा ट्रेलर रिलीज झाला आहे. पण हा सिनेमा वादाच्या भोवऱ्यात सापडला आहे. अग्निहोत्री यांची अशी विधानं करण्याची पहिलीचं वेळ नाही याअगोदरही त्यांनी अशी विधान करून वाद ओढवून घेतला आहे. आता पुन्हा एकदा थेट मराठी लोकांच्या जेवणाबाबतच चीड आणणारं वक्तव्य केलं आहे.

नुकताच त्यांनी करी टेल्स नावाच्या यू ट्यूब चॅनेलला मुलाखत दिली. त्यावेळी त्यांनी हे वक्तव्य केलं आहे. यामुळे आता सोशल मीडियावर अग्निहोत्री यांना ट्रोल केलं जात आहे. त्यांच्या संतापजनक वक्तव्यामुळे रोष व्यक्त केला जात आहे. मराठी अभिनेत्री नेहा शितोळे हिने देखील अग्निहोत्री यांचा व्हिडीओ शेअर करत संताप व्यक्त केला आहे. याबाबत तिने लांबलचक पोस्टही तिच्या इन्स्टा अकाऊंटवरून लिहिली आहे.

 

View this post on Instagram

 

A post shared by NEHA SHITOLE (@nehanachiket)

अभिनेत्री नेहा शितोळेने मांडलेले मुद्दे 

मराठी जेवणाविषयी पर्यायाने संस्कृती विषयी वाट्टेल ते बोलतोय हा माणूस… पुढे अजुन एका रील मधे हा म्हणतोय की मी सात्विक अन्न खातो… (Plant based food) (ह्याला सावजी खायला घाला आणि तांबडा पांढरा रस्सा पाजा एकदा)

२. “गरिबांचं” किंवा “किसानांचं” जेवण म्हणजे वाईट असं म्हणून अन्नाचा, शेतकऱ्यांचा आणि भारताच्या जवळ जवळ २५% जनतेचा जी दारिद्र्य रेषेखाली राहते त्यांचा अपमान करतो आहे…

३. आपल्या सगळ्यांची लाडकी पल्लवी जोशी हसून हसून हा विनोद अभिमानाने सांगते आहे… आणि मुळात आम्ही भाज्या फक्त उकडत नाही… उकडीचे मोदक सिंपल नाहीत… पुरणपोळी सिंपल नाही…

४. ज्यांच्या घरी असं जेवण जेवतात, अश्या मुलीशी कसं लग्न करायचं हा विवेक अग्निहोत्री ला पडलेला प्रश्न आहे…

५. आणि हे सगळं YouTube च्या माध्यमातून करोडो लोकं बघतायत…

हेही वाचा : Pimpri News | खोपोलीत निवडणूक घोटाळा? ; एका प्रभागात १४० डुप्लिकेट मतदार