Vande Bharat Express : मुंबईहून सोलापूरकडे धावणाऱ्या वंदे भारत एक्सप्रेसला पुण्याजवळ अपघात झाला आहे. पुणे रेल्वे स्थानकात प्रवेश करत असताना ट्रेनचा एक कोच रुळावरून घसरल्याची घटना घडली. (Vande Bharat Express) मिळालेल्या माहितीनुसार, ही ट्रेन छत्रपती शिवाजी महाराज टर्मिनसहून सोलापूरकडे जात होती. पुणे स्थानकातील फलाट क्रमांक ३ वर ट्रेन येत असताना अचानक हा प्रकार घडला. डब्याची चाके रुळांवरून खाली घसरल्याचे दिसून आले.(Vande Bharat Express) सुदैवाने, या घटनेत एकही प्रवासी जखमी झालेला नाही. सर्व प्रवासी सुरक्षित असल्याची माहिती रेल्वे प्रशासनाने दिली आहे. (Vande Bharat Express) अपघातानंतर तात्काळ दुरुस्ती आणि मदतकार्य सुरू करण्यात आले असून, घसरलेला कोच रुळावर आणण्याचे काम सुरू आहे. या घटनेमुळे पुणे स्थानकावरील रेल्वे वाहतुकीवर काही प्रमाणात परिणाम झाला असून, काही गाड्या उशिराने धावत आहेत. (Vande Bharat Express) दरम्यान, घटनेनंतर स्थानकावर प्रवाशांची मोठी गर्दी झाली होती. अपघाताचे नेमके कारण अद्याप स्पष्ट झाले नसून, रेल्वे विभागाकडून चौकशी सुरू करण्यात आली आहे. (Vande Bharat Express)