Youngest Player To Debut In First Class Cricket : वैभव सूर्यवंशीने बिहारकडून प्रथम श्रेणीत पदार्पण केले. विभव सूर्यवंशी यांचे वय 12 वर्षे 284 दिवस आहे. अशाप्रकारे वैभव सूर्यवंशी हा प्रथम श्रेणी क्रिकेटमध्ये खेळणारा सातवा सर्वात तरुण खेळाडू ठरला आहे. त्याचबरोबर या यादीत अलिमुद्दीन पहिल्या क्रमांकावर आहे. राजपुताना विरुद्ध बडोदा सामन्यात अलिमुद्दीन खेळला होता. त्यावेळी अलीमुद्दीनचे वय अवघे 12 वर्षे 73 दिवस होते. राजपुताना विरुद्ध बडोदा सामना: हा सामना 1942-43 मध्ये खेळला गेला होता.

या खेळाडूंनी सर्वात कमी वयात सिद्ध केली आपली क्षमता …

यानंतर एसके बोस दुसऱ्या क्रमांकावर आहेत. एसके बोस बिहार विरुद्ध आसाम सामन्यात खेळले. त्यावेळी एसके बोस 12 वर्ष 76 दिवसांचे होते. बिहार विरुद्ध आसाम यांच्यातील हा सामना 1959-60 मध्ये खेळला गेला होता. त्यानंतर पाकिस्तानचा आकिब जावेद तिसऱ्या क्रमांकावर आहे. आकिब जावेदने 1984-85 मध्ये पहिला प्रथम श्रेणी सामना खेळला होता. त्यावेळी आकिब जावेदचे वय 12 वर्षे 76 दिवस होते. सध्या या यादीत वैभव सूर्यवंशी यांच्या रूपाने एक नवीन नाव जोडले गेले आहे.

Vaibhav Suryavanshi of Bihar makes his first-class debut at the age of 12 years and 284 days. He is playing in a Ranji Trophy encounter against Mumbai.#RanjiTrophy #CricketTwitter

Image courtesy: Vaibhav Suryavanshi Instagram pic.twitter.com/d88skTH0F2

— 100MB (@100MasterBlastr) January 5, 2024

असा होता वैभव सूर्यवंशीचा प्रवास…

ICC Awards 2023 : ICC पुरस्कार जिंकण्याच्या शर्यतीत ‘हे’ पाच भारतीय क्रिकेटपटू, आयसीसीकडून नावे जाहीर…

वैभव सूर्यवंशीबद्दल सांगायचे झाले तर, या खेळाडूचा जन्म 27 मार्च 2011 रोजी झाला. वैभव सूर्यवंशी हा डावखुरा फलंदाज आहे. याशिवाय तो स्लो लेफ्ट आर्म ऑर्थोडॉक्स गोलंदाजी करतो. वैभव सूर्यवंशी हा भारत ब अंडर-19 संघाकडून खेळला आहे. अलीकडेच त्याने बांगलादेशविरुद्ध अंडर-19 सामन्यात 75 धावा केल्या होत्या. वैभव सूर्यवंशी बिहारकडून प्रथम श्रेणी क्रिकेट खेळतो. तसेच, प्रथम श्रेणी क्रिकेटमध्ये खेळणारा विभव सूर्यवंशी हा सातवा सर्वात तरुण खेळाडू आहे.