Vaibhav Suryavanshi set most sixes record :भारताचा १४ वर्षीय अंडर-१९ स्टार फलंदाज वैभव सूर्यवंशीने ऑस्ट्रेलिया अंडर-१९ संघाविरुद्धच्या पहिल्या युथ टेस्ट सामन्यात विक्रमी कामगिरी करत इतिहास रचला. वैभवने ७८ चेंडूंमध्ये शतक ठोकताना ८ षटकार लगावले आणि युथ टेस्ट क्रिकेटमध्ये सर्वाधिक षटकार मारणारा पहिला भारतीय फलंदाज बनला. यासह त्याने आपल्या सहकारी सलामीवीर आयुष म्हात्रेचा विक्रम मोडला.

वैभवने ८९ चेंडूंमध्ये ९ चौकार आणि ८ षटकारांसह ११३ धावांची खणखणीत खेळी केली. यामुळे त्याच्या नावावर आता युथ टेस्टमध्ये एकूण १५ षटकार नोंदवले गेले आहेत. विशेष म्हणजे, त्याने षटकारासह अर्धशतक आणि चौकारासह शतक पूर्ण केले. वैभवचे हे युथ टेस्टमधील दुसरे शतक आहे आणि विशेष बाब म्हणजे दोन्ही शतके त्याने ऑस्ट्रेलियाविरुद्ध ठोकली आहेत.

ऑस्ट्रेलियाई भूमीवर सर्वात जलद शतकाचा विक्रम –

वैभवने ऑस्ट्रेलियाई भूमीवर युथ टेस्टमध्ये सर्वात जलद शतक ठोकण्याचा विक्रम आपल्या नावावर केला. त्याने ७८ चेंडूंमध्ये शतक पूर्ण करत ऑस्ट्रेलियाच्या लियाम ब्लॅकफोर्डचा जानेवारी २०२३ मध्ये इंग्लंड अंडर-१९ विरुद्ध १२४ चेंडूंमध्ये केलेला विक्रम मोडला. वयाच्या १४ वर्षे आणि १८८ दिवसांमध्ये वैभवने ऑस्ट्रेलियात युथ टेस्ट शतक ठोकणारा सर्वात कमी वयाचा फलंदाज होण्याचा मानही मिळवला.

हेही वाचा – BCCI : नक्वीच्या कृत्याचा बीसीसीआयकडून निषेध

भारताच्या अंडर-१९ खेळाडूंचे युथ टेस्टमधील सर्वाधिक षटकार :

• वैभव सूर्यवंशी : ५ सामने, ८ डाव, ३११ धावा, ३६ चौकार, १५ षटकार
• आयुष म्हात्रे: ३ सामने, ५ डाव, ३६१ धावा, ५० चौकार, ९ षटकार
• हरवंश पंगालिया: २ सामने, ३ डाव, १७४ धावा, १४ चौकार, ८ षटकार
• सौरभ तिवारी: ४ सामने, ७ डाव, २३७ धावा, २२ चौकार, ८ षटकार
• विनायक माने: ३ सामने, ५ डाव, ४६१ धावा, ५५ चौकार, ७ षटकार

हेही वाचा – Team India : टीम इंडियाला मोठा धक्का ! ‘हा’ अष्टपैलू खेळाडू ऑस्ट्रेलिया दौऱ्याला मुकणार

ऑस्ट्रेलियाचा पहिला डाव –

या सामन्यात ऑस्ट्रेलिया अंडर-१९ संघाने नाणेफेक जिंकून प्रथम फलंदाजीचा निर्णय घेतला. मात्र, भारतीय गोलंदाजांसमोर त्यांचा डाव २४३ धावांवर आटोपला. ऑस्ट्रेलियाकडून स्टीव्हन होगनने ९२ धावांची खेळी केली, तर जेड होलिक (३८), अॅलेक्स ली यंग (१८), जेम्स (१३) आणि सायमन बज (१५) यांनी लहान योगदान दिले. भारताकडून दीपेशने ४५ धावांत ५ बळी घेत शानदार गोलंदाजी केली. किशन कुमारने ३, अममोलजोत सिंह आणि खिलान कुमार यांनी प्रत्येकी १ बळी घेतला.